Марко рубийо б д т ниң кишилик һоқуқ доклатини елан қилишини тәләп қилған

Мухбиримиз җәвлан
2022.08.08
Share on WhatsApp
Share on WhatsApp

Америка дөләт мәҗлиси кеңәш палата әзаси марко робийо б д т кишилик һоқуқ алий комиссари мишел бачелетқа хәт йезип, уйғур райониниң кишилик һоқуқ әһвали һәққидики доклатни дәрһал елан қилишни тәләп қилған.

Марко робийо мишел бачелетқа язған хетидә мундақ дегән: “сиз 8-айниң 31-күни вәзипиңиздин айрилиш алдида туруватисиз, әмма бу доклат техичә көмүлгән йеридә туруватиду. Хәвәрләрдин билишимизчә, хитай дипломатлири астиртин йол меңип бу доклатниң елан қилинишиға тосқунлуқ қиливетипту. Хитай компартийәсиниң бу доклатни ашкарилашни бир минут болсиму кечиктүрүшигә вә шәниңизгә техиму дағ тәгкүзүшигә йол қоймаслиқиңиз керәк. Мән дөләт мәҗлиси хам чот аҗритиш комитетиниң бир әзаси болуш сүпитим билән, американиң б д т ға аҗритиватқан пулиниң нәгә кетиватқанлиқини тәкшүримән вә ишханиңизни бу доклатни дәрһал елан қилишқа чақиримән”.

У йәнә мәктупида б д т кишилик һоқуқ ишханисиниң өз ролини түзүк ада қилалмиғанлиқини әскәртип: “хитай компартийәсиниң ирқий қирғинчилиқ җинайитини балдуррақ ашкарилап, уларниң уйғурлар вә башқа милләтләргә қиливатқан кишилик һоқуқ җинайәтлирини хатириләп қоюш керәк иди” дегән вә америка һөкүмитиниң у җинайәтләрни аллибурун ирқий қирғинчилиқ җинайити дәп бекитип болғанлиқини тәкитлигән.

2018-Йил б д т кишилик һоқуқ алий комиссари ишханиси коммунист хитай һөкүмитиниң уйғур районидики кишилик һоқуқ җинайәтлири һәққидә бир доклатни тәйярлиғаниди; 4 йил өтүп кәткән вә мишел бачелет уйғур районини көрүп кәлгән болсиму бу доклат техи елан қилинмиған. Мәлуматларға қариғанда, хитай һөкүмити бу доклатни елан қилмаслиққа бесим қиливатқан болуп, нөвәттә бу доклатниң елан қилиниш-қилинмаслиқи б д т ниң кишилик һоқуқни қоғдаш җәһәттики хәлқара нопузиға тақишидиған муһим мәсилә болуп қалған.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.