Амур дәряси көврүки хитай билән русийәни техиму чиң бағлимақта

Мухбиримиз әзиз
2022.06.15
Share on WhatsApp
Share on WhatsApp

Һинган тағлиридин башлинип шәрққә ақидиған амур дәряси хитай билән русийәниң шәрқтики чеграсиниң йеримидин көпрәкини тәшкил қилидиған болуп, йеқинда бу дәрядики тунҗи қатнаш көврүки ишқа кириштүрүлгән.

CNN Агентлиқиниң бу һәқтики хәвиридә ейтилишичә, 369 милйон америка доллири мәбләғ селинған бу тунҗи көврүк хитайниң хейхе шәһри билән русийәниң благовшенск (Blagoveshchensk) шәһирини туташтуридикән. 12-Июн күни бу көврүктә тунҗи қатнаш башлинип, икки тәрәпниң йүк машинилири қатниған. Хәвәрдә ейтилишичә, хитай тәрәпниң машинилириға еликтронлуқ мәһсулатлар вә һәр хил чақ бесилған болса, русийә йүк машинилирида пурчақ вә һәриләнгән тахтайлар тошулған. Русийә вә хитай рәһбәрлири бу көврүк һәққидики тәбрик нутуқлирида буни “икки тәрәп оттурисдики иқтисадий һәмкарлиқниң тәрәққияти” дәп шәрһийлигән. Мәлум болушичә, амур дәрясиға селинған иккинчи көврүкму йеқинда ишқа кириштүрилидиған болуп, буниңда төмүрйол қатнишиму ишқа кириштүрүлидикән.

Хәвәрдә ейтилишичә, украина уруши башланғандин буян, ғәрб дуняси русийәгә охшимиған дәриқидә түрлүк имбарго чарилирини иҗра қиливатқанлиқи үчүн, русийәниң иқтисадий җәһәттики қийинчилиқлири һәссиләп ашқан. Буниң билән уларниң хитайға болған беқиндилиқи һәмдә хитай билән болған һәмкарлиқи техиму ашқан. Нөвәттә мәзкур көврүкләрниң ишқа кириштүрүлүшиму әнә шу хил арқа көрүнүшләр билән зич мунасивәтлик, дәп қаралмақта икән. Шуниң билән биргә, русийә билән хитай оттурисидики барғансери йоқури пәллигә чиқиватқан бу хил һәмкарлиқ вә достлуқ йәнә бир яқтин дуняниң муштомизорлуққа вә зулумға ортақ қарши туруштәк тиришчанлиқи үчүн еғир хирис пәйдақ қилмақта, дәп қаралмақта икән.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт