Ақсуда 8 милйон 252 миң адәм қетимдин артуқ саламәтлик тәкшүрүши елип берилған

Хитайниң уйғур аптоном районида 2016-йили башлиған омумий хәлқ һәқсиз саламәтлик тәкшүрүш намидики бәдән тәкшүрүш һәрикитидә ақсу вилайитидики пуқраларға қарита төт йил ичидә 8 милйон 252 миң 400 адәм қетим саламәтлик тәкшүрүши елип берилған. "ақсу гезити" ниң 30-апрел тарқатқан бир хәвиридә бу вилайәттики бу йиллиқ саламәтлик тәкшүрүшиниң һазирму давам қиливатқанлиқи, пуқраларниң маска тақап саламәтлик тәкшүрүшкә қатнишиватқанлиқи билдүрүлгән.

Хитай һөкүмити 2016-йили уйғур аптоном райони миқясида мәҗбурий саламәтлик тәкшүрүш һәрикити башлап, уйғурларниң саламәтлик учур архипи вә ғайәт зор DNA амбирини қурған. Арқидинла уйғур, қазақ вә башқа мусулман милләтләрни кәң көләмлик тутқун қилип, лагерларға қамаш һәрикити башланған. Бу кишилик һоқуқ тәшкилатлирида хитайниң омумий хәлқ һәқсиз саламәтлик тәкшүрүш һәрикитиниң мәқсити қарита қаттиқ гуман қозғиғаниди.

Улар хитайниң омумий хәлқ саламәтлик тәкшүрүши уйғурларниң саламәтлик учури вә DNA әвришкисини йиғип, уларни техиму қаттиқ контрол қилишни мәқсәт қилғанлиқи, буниң системилиқ адәм ички әза әткәсчиликигә йол ачидиғанлиқини агаһландурғаниди. Ақсу вилайәтлик "сәһийә-саламәтлик комитети" асаси қатлам ишханисиниң бир мәсул хадиминиң "ақсу гезити" гә тәкитлишичә, мәзкур вилайәт йеқинқи 4 йилдин буян саламәтлик тәкшүрүшкә 680 милйон йүән чиқим қилип, 13 миң 90 адәм қетим тәкшүрүш хадими аҗратқан.

Буни бесиш арқилиқ, пикриңизни йезиң

• Принт
• Һәмбәһр
• Әвәтиш

Барлиқ пикир - баянларни көрүш.

• Бүгүнки аңлитиш
• Илгирики аңлитишлар