Хитайда ясалған сахта гүрүч русийә базирида қорқунч вә вәһимә пәйда қилған

Мухбиримиз қутлан
2016-12-19
Share

Алдинқи күнидин буян русийә таратқулирида “пиластик материяллардин ясалған сахта гүрүч вәқәси” тоғрилиқ көплигән хәвәрләр берилип, русийә аһалилири арисида вәһимә пәйда қилған.

Русийәдики “делта” ториниң бу һәқтики хәвиригә қариғанда, русийә федератсийәсиниң йирақ шәрқ районидики хитай билән чегралинидиған шәһәрлиридә “сахта гүрүч вәқәси” күчлүк вәһимә қозғиған.

Мәлум болушичә, хитайниң хейлоңҗаң өлкиси вучаң шәһиридин ишләпчиқирилидиған гүрүч мәһсулати русийәдә зор базарға игә болуп, униң тәмлик вә сүпәтлик болуши сәвәбидин рус истемалчилириниң яхши баһасиға еришкәнлики мәлум. Вучаң гүрүчи асаслиқи русийәгә експорт қилинидиған болуп, баһасиму йилдин-йилға өрлигән.

Һалбуки, йеқинда хитай әткәсчилири вучаң гүрүчигә тәтбиқлап пиластик материяллардин ясап чиққан сахта гүрүчни русийә базириға оғрилиқчә киргүзгән. Теббий хадимлар бу хил сақта гүрүчниң қорсақни ағритип, рак кесили пәйда қилидиғанлиқини илгири сүргән.

Игилинишичә, һазир русийәдә хитайдин киргән сахта гүрүч вәқәси сәвәблик хитай маллириға болған гуман күнсайин күчәйймәктикән. Көзәткүчиләр, сахта йемәкликләрниң нөвәттә хитай туприқидин һалқип чәтәлләрдиму қорқунч вә вәһимә пәйда қиливатқанлиқини тәкитлимәктә.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт