Сайрагүлниң сиясий панаһлиқ илтимаси рәт қилинған


2018-10-08
Share

Илгири уйғур дияриниң моңғулкүрә наһийәсидики "тәрбийәләш мәркизи" дәп атиливатқан йиғивелиш лагерида хитай тилидин дәрс өткән, кейин қазақистанға қечип чиққан сайрагүл савутбайниң сиясий панаһлиқ илтимаси қазақистан һөкүмити тәрипидин рәт қилинған.

"азадлиқ радиоси" 5-өктәбир бу һәқтә хәвәр елан қилған. Хәвәрдә сайрагүлниң адвокати абзал куспанофниң "фирансийә агентлиқи" ға қилған сөзи нәқил елинған. У сөзидә қазақистан билән хитайниң нөвәттики "пәвқуладдә йеқин" мунасивитигә қарапла көчмәнләр идарисидин бундақ нәтиҗиниң чиқишини тәхмин қилип болғанлиқини билдүргән. У йәнә бу қарарға наразилиқ әрз сунидиғанлиқини әскәрткән.

Бу йил апрелда ечилған сотта сайрагүл савутбай уйғур дияридики уйғур, қазақ вә башқа йәрлик милләтләрниң аталмиш "қайта тәрбийәләш лагерлири" да учраватқан "меңә ююш" һәрикитини ашкарилиған иди. Бу йил авғустқа кәлгәндә қазақистан соти униң хитайға қайтурулмайдиғанлиқи һәққидә һөкүм елан қилған иди.

Көзәткүчиләр қазақистан соти тәрипидин аллиқачан бигунаһ дәп қоюп берилип болған сайрагүлниң сиясий панаһлиқ илтимасиниң рәт қилинишини хитайниң қазақистан һөкүмитигә бесим ишләткәнликидин болған дәп тәхмин қилмақта.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт