Сәуди әрәбистанниң хитайға бәргән йеңи вәдиси диққәт қозғиди

Мухбиримиз әзиз
2021-03-26
Share

Уйғур җәмийити дуч келиватқан ирқий қирғинчилиқ алдида изчил сүкүттә туруп кәлгән сәуди әрәбистан һөкүмити хитай ташқи ишлар министири ваң йиниң хизмәт зиярити җәрянида өзлириниң хитай һөкүмитини қоллайдиғанлиқини йәнә бир қетим ипадилиди.

Хитай һөкүмити башқуришидики шинхуа агентлиқиниң 25-марттики хәвиридә ейтилишичә, ваң йи хизмәт зиярити үчүн риядқа барған һәмдә вәлиәһди муһәммәд бин салман билән мәхсус сөһбәттә болған. Сөһбәттә сәуди әрәбистанниң оттура шәрқ вәзийити, бирләшкән дөләтләр тәшкилати (б д т) дики роли қатарлиқ мәсилиләр һәққидә пикир алмаштурғандин кейин, икки тәрәп терорлуққа ортақ қарши туридиғанлиқини билдүргән. Муһәммәд бин салман шу қатарда сәуди әрәбистан һөкүмитиниң хитай һөкүмити иҗра қиливатқан "терорлуққа қарши тәдбирләр" ни қәти һемайә қилидиғанлиқини, шуниңдәк хитайниң хоңкоң вә уйғур дияридики игилик һоқуқини пүтүн күчи билән қоллайдиғанлиқини билдүргән. У бу һәқтә ваң йиға вәдә берип "биз силәрниң ички ишиңларға һечқандақ әһвалда арилашмаймиз. Шундақла һечқандақ бир гуруһниң ислам дуняси билән хитай оттурисида сүркилиш пәйда қилишиғиму йол қоймаймиз" дегән.

Йеқинқи мәзгилләрдә сәуди әрәбистан һөкүмити изчил охшимиған хәлқаралиқ сорунларда хитай һөкүмитиниң уйғур дияридики бастуруш сиясәтлирини һемайә қилип келиватқан болуп, буниң нәтиҗисидә һәр хил сәвәбләр билән сәуди әрәбистаниға берип қалған бир қисим ‍уйғурларни тутқун қилип мәхпий һалда хитайға қайтуруп бәргән иди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт