Xitay adwokat xu'angpu deryasida éqip kelgen ölük choshqa weqesini tekshürüshni telep qildi

Ikki ay ilgiri shangxeyde yüz bergen, nechche minglighan ölük chüshqilarning xu'angpu deryasidin éqip kélish weqesi xitay tor béketliride hélimu munazire témisi bolmaqta.

Yéqinda li jün isimlik bir adwokat torda ochuq xet élan qilip, da'irilerdin özining bu yil 3 - ayning otturilirida shangxey sheherlik muhit asrash idarisigha yézilghan “Ölük choshqilarning xu'angpu deryasidin éqip kélish weqesini ammigha ashkarilash telipi” ning néme üchün hazirghiche jawabsiz qaldurulghanliqini sürüshte qilghan.

Bu yil 5 - mart küni xu'angpu deryasining yuqiri éqin'gha jaylashqan jéjyang ölkisidiki choshqa férmiliri teripidin tashliwétilgen on nechche ming choshqining ölüki süzüwélin'ghan bolsimu, emma shangxey sheherlik hökümet da'iriliri bu weqedin kéyinmu shangxey shehiridiki ichimlik suda bulghinish körülmigenlikini tekitlep, puqralargha xu'angpu deryasining süyi arqiliq teminlinidighan ichimlik suni xatirjem istimal qilsa bolighanliqini uqturghan idi. Emma 4 - aydin bashlap shangxey qatarliq sheher, ölkilerde tarqalghan x7n9 tipliq qush zukimi wirusi shangxey qatarliq jaylardiki xelqte wehime peyda qilip, xu'angpu deryasida bayqalghan ölük choshqilarningmu bu xil zukam wirusi bilen yuqumlinip ölgen bolushi mümkinliki heqqide türlük perezler otturigha qoyulghan idi.