Шаңхәй һәмкарлиқ тәшкилати рамкиси астида террорлуққа аит учур топлаш күчәйтилидикән

Мухбиримиз үмидвар
2016-09-13
Share

Русийәниң “содигәр” гезитиниң хәвәр қилишичә, шаңхәй һәмкарлиқ тәшкилатиниң террорлуққа қарши районлуқ кеңиши йиғин чақирип, мәзкур кеңәш қармиқида өзини қошуп өлтүргүчи-террорчиларға аит учур амбири қурушни қарар қилған.

Йиғиндин кейин, русийә федератсийә бихәтәрлик идарисиниң биринчи муавин мудири сергей смирноф мухбирларға бу һәқтә мәлумат берип, “русийә мундақ тәшәббусни оттуриға қойди. Һазир биз буни қарар қилдуқ” дегән. У сөзидә һазир шаңхәй һәмкарлиқ тәшкилатиниң террорлуққа қарши районлуқ кеңиши рамкиси астида террорға қарши учурларниң топлиниватқанлиқи, һазирғичә уларниң учур амбирида икки йерим миң киши вә 69 тәшкилатниң учури барлиқи, бәлки бу мәнбәни өзини қошуп өлтүргүчи-террорчилиқ роли гуман қилиниватқан шәхсләрниң учури билән толуқлиши мумкинликини илгири сүргән.

Русийә федератсийә бихәтәрлик идарисиниң муавин башлиқи сергей смирноф йәнә, шаңхәй һәмкарлиқ тәшкилати алаһидә хизмәт даирилири, бишкәктики хитай әлчиханиси йенида йүз бәргән террорлуқ һуҗумида таҗик, хитай вә русийә излири барлиқини бекиткәнликини илгири сүргән.

Қирғизистан дөләт бихәтәрлик даирилири 30-авғуст күни йүз бәргән бишкәктики хитай әлчиханиси йенидики аптомобил билән өзини қошуп партлитиш һуҗумини садир қилғучиниң кимликини бекиткәнликини вә башқа мунасивәтлик шәхсләрни елан қилған иди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт