Хитай алий маарипи саһәсидә "ғәрб идеологийәси"ни тазилаш шамили көтүрүлгән

Мухбиримиз қутлан
2015-01-30
Share

Б б с вә бирләшмә агентлиқниң бүгүнки хәвиригә қариғанда, хитай компартийәси алий маарип саһәсидин "ғәрб идийәлири" билән "ғәрб қиммәт қарашлири" ни кәң көләмдә тазилаш долқуни қозғиған.

Хитай маарип министири йүән гуйрен пәйшәнбә күни шинхуа агентлиқиниң мухбириға мунуларни билдүргән: "алий маарип саһәсидә компартийәниң рәһбәрлики вә идеологийә җәһәттики йетәкчилик ролини қаттиқ тәкитләш зөрүр. Маарип саһәсидикиләр оқутуш материяллирида партийә рәһбәрлики билән сотсиялистик түзүмни тәнқид қилмаслиққа чоқум капаләт бериши керәк."

Хитай маарип министириниң мәзкур баянати хитайдики алий мәктәп оқуғучилири, демократийини һимайә қилғучи профессорлар вә илим саһәсидикиләрниң күчлүк тәнқидигә дуч кәлгән.

Асасий қанун роһи вә әркин пикир еқимини тәшәббус қилғанлиқи үчүн 2013-йили шаңхәй университетидин һәйдәлгән профессор җаң шөҗуң мундақ дегән: "маарип министири болған бир киши пүтүн дуняға җуңгодики алий мәктәп оқутқучилириниң илмий тәтқиқат яки оқутуш җәһәттила әркинликтин мәһрум болуп қалмастин, бәлки йәнә иззәт-ғуруридинму айрилғанлиқини җакарлиди."

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт