Shi jinpingning “Xongkong we shinjang heqqidiki yéngi qarishi” keng teshwiq qilinishqa bashlidi

 2-Yanwar küni xitay merkizi téléwiziye istansisi shi jinpingning 2023-yili heqqidiki “Yéngi ümidliri” qatarida uning xongkong we Uyghur diyarigha barghanda sözligen sözlirini toplap élan qilghan. Shuningdek buninggha “Re'is shi jinpingning xongkong we shinjang heqqidiki yéngi qarishi” dep mawzu qoyghan.

Merkiziy téléwiziye istansisi élan qilghan qisqa widiyoda shi jinpingning xongkongdiki xizmet ziyariti jeryanida sözligen sözliri qatarida “Xongkong hazir qalaymiqanchiliqqa xatime  bérip parlaq kelgüsige yüzlenmekte” dégenliki alahide gewdilendürülgen. Shundaqla bu arqiliq xongkongdiki démokratiye we qanun arqiliq idare qilishni telep qilish namayishining zorluq küchi bilen basturulushi perdazlap körsitilgen. Shu qatarda Uyghur diyari heqqidiki bölekte “Milletlerning ittipaq bolushi hemde anarning danisidek zich uyushushi” mexsus tekitlen'gen. Bu arqiliq xitay hökümitining Uyghur diyarida ijra qilinip kéliwatqan türlük siyaset we tedbirlirining mushu yosunda dawam bolidighanliqidin bésharet bérilgen.

Halbuki birleshken döletler teshkilati (b d t) kishilik hoquq aliy kéngishi 2022-yili élan qilghan doklatta xitay hökümitining Uyghur diyaridiki qilmishliri “Insaniyetke qarshi jinayet” dep teswirlen'genidi.