Xitay da'irilirining “Shinjang muhajirlar birleshmisi” yighini chaqirishi diqqet qozghidi

Xitay da'irilirining “Shinjang muhajirlar birleshmisi” yighinini chaqirip, muhajirlar xizmitini kücheytishni telep qilishi diqqet qozghidi.

Xitay xewerler torining xewiridin qarighanda, 31-mart küni chaqirilghan yighinda Uyghur rayonluq muhajirlar birleshmisining mu'awin re'isi rén chéng söz qilip, “Chet'ellerdiki muhajirlar qurulushlirini qanun bilen idare qilish xizmitide toxtimay yéngi weziyet yaritip, teshkiliy rehberlikni kücheytish kérek, chet'eldiki muhajirlar birleshmiliri emeliyetke asasen usulni yéngilishi kérek” dégen.

U yene muhajirlarning asasiy qanun we chet'ellerdiki muhajirlargha munasiwetlik qanun-nizamlarni öginish we teshwiq qilishni zor küch bilen qanat yaydurulushi kéreklikini tekitligen.

Uyghur rayon da'irilirining muhajirlar xizmitini kücheytishni tekitlishi diqqet qozghidi. Chet'ellerdiki Uyghur közetküchiler xitay hökümitining herqaysi döletlerde atalmish “Shinjangliq muhajirlar jem'iyiti” qatarliqlarni shu döletlerde turushluq Uyghur jama'itini nazaret qilish we bashqurushtek meqsetliri üchün xizmet qildurghanliqini, bundin kéyin bundaq heriketlirini kücheytishke teyyarliniwatqan bolushi mumkinlikini perez qilishmaqta.