Uyghur alimi shöhret mutellipowning gén özgertish tetqiqati ghulghula qozghidi

Muxbirimiz eziz
2017-10-16
Élxet
Pikir
Share
Print

Uyghur alimi shöhret mutellipowning insan törelmisining gén (DNA) terkibini özgertish heqqidiki tetqiqat netijisi élan qilin'ghandin kéyin, amérikiliqlarning öz génlirini özgertish arqiliq bezi irsiy késelliklerning kéyinki ewladlargha tarqilishidin saqlinish arzusigha yéngi ümid tughulghanliqi melum.

Amérikidiki eng chong gézit bolghan "Wal-strét zhurnili" gézitining 12-öktebirdiki sanida élan qilin'ghan maqalidin melum bolushiche, shöhret mutellipow bashchiliqidiki tetqiqat guruppisi insan törelmisidiki yürek iqtidari bilen munasiwetlik bolghan normalsiz gén terkibini toghrilash arqiliq her xil yürek késelliri sewebidin tuyuqsiz ölüp kétish hadisisining aldini élishqa bolidighanliqini otturigha qoyghan. Maqalida körsitilishiche, tetqiqat jeryanida özgertilgen gén eger bir ayalning balayatqusigha köchürülse uning bir saghlam bowaqqa aylinish éhtimalliqi zor, dep qaralmaqta iken.

Melum bolushiche, nöwette amérikaning munasiwetlik qanunliri bu xil tetqiqatning emeliy dawalashqa qollinilishini cheklep turmaqtiken. Emma xelq rayini sinashta amérikiliqlarning üchtin ikki qismi "Bu tetqiqat emeliyetke tetbiqlansiken dégenni arzu qilimiz," dégen.

Toluq bet