Сичүәнниң ляңҗуң шәһиридә очуқ мәйдан соти ечилған
Хитайчә бошөн ториниң хәвәр қилишичә, 16 - март күни сичүәнниң ляңҗуң шәһиридә очуқ мәйдан соти ечилип, һөкүмәт хизмитигә тосқунлуқ қилди дәп әйибләнгән 4 киши үстидин һөкүм елан қилинған. Сүрәтлик һалда берилгән бу очуқ мәйдан сотиниң хәвири оқурмәнләрниң тез диққитини тартти. Хәвәргә йезилған инкасларда сот шәклиниң мәдәнийәт инқилаби дәвригә аит икәнлики әскәртилип, мәзкур сот даирилири вә шәһәр башлиқлириниң бу қанунсиз вә мәдәнийәтсиз қилмиши сәвәбидин вәзиписидин елип ташлиниши керәклики тәкитләнди.
Мәлум болушичә бу очуқ мәйдан сотиниң хитай өлкилиридә мәдәнийәт инқилабидин кейин тунҗи қетим ечилишидур, әмма уйғур районида 2014 - йили 6 - айда башланған бир йил қаттиқ зәрбә бериш долқунида, пүтүн наһийәләрдә арқа - ариқидин очуқ мәйдан сотлири ечилған, сотларға тәвәликтики 10 миңларчә киши мәҗбурий қатнаштурулған; мәһкумлар сот мәйданиға чиқиштин аввал коча айландурулуп уйғур җәмийитигә тәһит селинған иди. Әмма бу әһвал, хитай вә уйғур районидики мәйли даириләр, мәйли ахбарат орунлири тәрипидин һечқандақ тәнқидкә учримиған, әксичә нормал бир қануний тәртип сүпитидә хәвәр қилинған иди.
- Доктор турди муһәммәд абдулла теббий давалаш материяли тәтқиқатида 7 қетим патент һоқуқиға еришкән
- Президент җов байден "нуремберг соти" ниң тәптишигә беғишланған нутқида уйғурларға селиниватқан зулумларни санап өтти
- Әзәрбәйҗан парламент әзаси җаваншир фәйзийеф: "уйғурларға барлиқ түркий дөләтләр вә хәлқләр ярдәм қилиши керәк"
- "уйғур һәрикити" тәшкилатиниң явропадики паалийәтлири зор тәсир қозғимақта
- Җоңшән ониверситетиниң көзгә көрүнгән доктуранти абдуқадирҗан рози тутқун қилинған
