Wilson merkizi stalinning koriye mesilisi boyiche maw zédonggha ewetken sifirliq mexpiy télégrammisini ashkara qildi

Muxbirimiz qutlan
2016-09-24
Share

Yéqinda bash shitabi washin'gtondiki wilson tetqiqat merkizi yoséf stalinning 1950 - yili 4 - ayda koriye mesilisi boyiche maw zédonggha ewetken sifirliq mexpiy télégrammisini ashkara qildi.

Télégramma mexpiy bolghanliqi üchün stalinning ismi biwasite tilgha élinmay, filippof dégen namda ewetilgen. Stalin eyni chaghda shimaliy koriye ishchilar partiyesining rehbiri kim érsin teripidin moskwagha ewetilgen wekiller bilen körüshkendin kéyin, maw zédonggha bu sifirliq télégrammini ewetken. Télégrammida stalin maw zédonggha körsetme bérip, koriye yérim arilining mesilisini choqum xitay terep bilen koriye wekilliri birlikte hel qilishi kérek, dégen.

Mézkur télégramma 1950 - yillarning bashlirida stalin, maw zédong we shimaliy koriye rehbiri kim érsin arisida koriye kirizisi boyiche yollan'ghan köpligen mexpiy télégrammilarning biri bolup, tarixchilar uni koriye urushi we uning arqa körünishini tetqiq qilishtiki qimmetlik tarixiy höjjetlerning biri dep hésablimaqta.

Amérikidiki wilson merkizi yéqinqi yillardin buyan soghuq urush dewri hemde amérika, sabiq sowétler ittipaq we xitayning ikkinchi dunya urushidin kéyinki munasiwetliri heqqide köpligen birinchi qol arxip matériyalliri we tarixiy höjjetlerni élan qilmaqta. Bularning ichide Uyghur diyarigha munasiwetlik arxiplarmu bar bolup, tarichilarning diqqitini qozghimaqta.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet