Сүрийәдики өктичи күчләр арисида өзара қораллиқ тоқунуш йүз бәрди

Мухбиримиз әркин
2013-09-20
Share

Сүрийәдә әсәд һөкүмитигә қарши уруш қиливатқан өктичиләр сепидики ислами күчләр билән демократик күчләр арисидики ихтилап партлап чиқти.

Алдинқи күни исиламчиларниң шам ислам дөлитигә қарашлиқ қораллиқ күчләр билән, демократчиларниң әркин сүрийә армийисигә қарашлиқ күчләр оттурисида қораллиқ тоқунуш партлап, исламий күчләр әркин сүрийә армийиси контроллуқидики азаз шәһирини тартивалған.

Җүмә күни, демократик күчләрниң сүрийә өктичиләр мәмликәтлик бирләшмиси исламий күчләрни тәнқид қилди.

Мәзкур орган, униң һәрикити сүрийә инқилаби вә униң әмәлгә ашурмақчи болған принсипиға хилап икәнликини билдүргән.

Бирақ, фирансийә ахбарат агентлиқиниң илгири сүрүшичә, шам ислам дөлити билән әркин сүрийә армийиси оттурисидики ихтилап пәқәтла контроллуқ мәсилиси әмәс, бәлки йәнә көз қараш җәһәттики пәрқ икән.

Әркин сүрийә армийиси сүрийәдә демократик дөләт қуруш үчүн уруш қилип кәлгән. Лекин, "шам ислам дөлити" өзигә шәриәт билән башқурулидиған исламий дөләт қурушни нишан қилған.

Ислами күчләр қораллиқ өктичиләр сепидики җәңгивар күчләр болсиму, бирақ ғәрб "шам ислам дөлити" вә "әл‏-нусра" қатарлиқ күчләрниң әл-қаидә террорлуқ гуруһи билән алақиси барлиқини илгири сүрүп, өктичиләрни бәзи әҗәллик қораллар тәминләшкә иккилинип кәлгән иди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт