Америка иккинчи қәдәмдә сүрийәни исянчилар билән сөһбәткә қистимақчи

Мухбиримиз шөһрәт һошур
2013.10.07
Share on WhatsApp
Share on WhatsApp

Сүрийәдә түнүгүн химийиви қораллар б д т мутәхәссислиригә тапшурулушқа башлиғандин кейин америка ташқи ишлар министири җон кәрй бүгүн бәшәр әсад һөкүмитиниң б д т ниң буйруқиға әмәл қилғанлиқиға мәдһийә оқуди.

Бәшәр әсәдниң бу қетимқи бойсунушини иҗабий нуқтидин башланғуч қәдәм дәп тәриплигән җон кәрй, әмдиликтә бәшәр һөкүмитини ноябирда исянчилар билән сөһбәт өткүзүшкә көндүридиғанлиқини баян қилди.

Җон кәрй бу һәқтә русийә ташқа ишлар министири билән пикир бирликигә кәлгәнликиниму әскәртип өтти.

Америка авазиниң бүгүнки бу һәқтики хәвиридә баян қилинишичә, җон кәрй бу һәқтә пат йеқинда б д т вә әрәб бирликиниң сүрийә үчүн тәйинлигән әлчиси лахдар браһими билән көрүшмәкчи.

Лахдар бираһими һазирға қәдәр икки тәрәпни тинчлиқ үстилигә әкелиш үчүн көп қетим тиришқан болсиму нәтиҗә һасил болмиған. Сүрийәдики муһаҗирәттики өктичилири бирләшмә һөкүмәт темисида бәшар әсад билән сөһбәткә олтурушқа майиллиқини билдүргән болсиму, сүрийәдики исянчилар, бәшәр әсад тәхттин чүшмәй туруп қарши һөкүмәт тәрәп билән һечқандақ темида сөһбәт елип бармайдиғанлиқини билдүрүп келиватқан иди.

Көп көрүлгән хәвәрләр
Қисқа хәвәрләр
Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.