Сүт парашоки мәсилиси хитайниң икки йиғини мәзгилидә қайта ахбарат темисиға айланди

Мухбиримиз шөһрәт һошур
2013-03-04
Елхәт
Пикир
Share
Принт

Җүмә күнидин етибарән хоңкоңда сүт парашоки чәклимиси йолға қоюлған болуп, шуниңдин кейин сүт парашоки мәсилиси хитай чоң қуруқлуқидики истемалчилар арисида әндишә пәйда қилған һәм икки йиғинда мухбирлиқ қиливатқан ахбаратчиларниң диққәт нуқтисиға айланған.

Мәлум болушичә, нөвәттә хоңкоңда кишиләрниң йенида 1 кило 800 грам йәни икки қутидин артуқ сүт парашокини көтүрүп йүрүшигә йол қоюлмайду, хилаплиқ қилғучиларға 500 миң сом җәриманә қоюлуп, икки йил муддәтлик қамақ җазаси берилиду.

Түзүмниң мана мушундақ қаттиқ болушиға қаримай хоңкоң таможниси, җүмә күни мәзкур түзүмгә хилаплиқ қилған 45 кишини тутқан. Бүгүн чәтәл мухбирлири хитайниң сүт парашоки мәсилиси һәққидә сиясий кеңәш йиғин баянатчисидин соал сориған. Йиғин баянатчиси, хитайниң сүт парашоки мәһсулатлириниң 99% ишәнчлик икәнликини ейтқан.

Бу һәқтә мухбирларниң зияритини қобул қилған мәркизи телевизийә истансисиниң даңлиқ риясәтчиси сүй юңйүән сиясий кеңәш йиғин баянатчисиниң сөзлирини рәт қилип, өзиниң хитай чоң қуруқлуқидики сүт парашоклириниң сүпәт өлчимигә ишәнмәйдиғанлиқини ейтқан. Нөвәттә бир қисим хитай вә хәлқара ахбарат васитилиридә хитайдики сүт парашоки мәсилисиниң йилтизи мулаһизә вә муназирә қилинмақта.

Пикирләр (0)
Share
Толуқ бәт