Xitay tashqorghanda jiddiy türde yasawatqan égizlik ayrodoromini 9-ayda ishqa kirishtürümekchiken

Muxbirimiz irade
2021-08-19
Share

Xitayning shinxu'a tori tarqatqan bügünki xewerge qarighanda, xitay da'iriliri Uyghur aptonom rayonining tashqorghan nahiyeside jiddiy türde ayrodrom qurulushi élip bériwatqan bolup, uni 9-aydin bashlap ishqa kirishtürmekchiken.

Xewerde bu qurulushning téz sür'ette dawam qiliwatqanliqi we bu yil 9-ayda sinaq teriqiside uchushni bashlaydighanliqi bayan qilin'ghan. Xitay yéz sür'ette yasawatqan bu tunji égizlik ayrodoromi qeshqer wilayiti tashqorghan tajik aptonom nahiyesining aqtam bazirigha jaylashqan iken.

Tashqorghan nahiyesi Uyghur aptonom rayonining tajikistan, afghanistan we pakistan bilen bilen chégralinidighan muhim istratégiyelik nuqtisigha jaylashqan bolup, tashqorghanda yasiliwatqan égizlik ayrodoromi qurulushining del amérika afghanistandin esker chékindürgen, talibanlar afghanistanning hakimiyet béshigha chiqqan bir mezgilge toghra kélishi diqqet qozghidi.

Chet ellerdiki Uyghur közetküchiler, xitayning bu ayrodromni jiddiy türde yasishi talibanlar hakimiyetni qolgha alghandin kéyinki afghanistanning murekkep weziyiti shundaqla xitayning ottura asiya we gherbiy-jenubiy asiya istratégiyesi bilen munasiwetlik, dep qarimaqta.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet