Tayland, tutup turuluwatqan gumandar bangkokqa bomba qoyghan bombichi emestek qilidu, dédi

Tayland hökümiti jüme küni kambodzha chégrasida qolgha élin'ghan gumandar bilen adem qaradagh bomba qoyup, bangkoktiki partlashni keltürüp chiqarghan bombichi emestek qilidu, dédi.

Tayland da'iriliri ilgiri gumandarning barmaq izi bangkok etrapidiki bir bina öydin tépilghan bomba matériyallirida bayqalghanliqini bildürgen.

Biraq da'iriler jüme küni gumandarlarning DNA si 17‏-awghust bangkoktiki érawan hindi ibadetxanisigha bomba qoyghan gumandarning dna bilen oxshash chiqmighanliqini bildürdi.

D u q ilgiri tayland da'irilirini ziddiyetlik uchurlarni tarqitip, orunsiz perez we guman peyda qilish bilen eyibligen, tayland da'irilirini ochuq-ashkara bolushqa, barliq uchurlarni toluq élan qilishqa chaqirghan idi.

Tayland bash saqchi idarisining bayanatchisi jüme küni bombichi bilen gumandarlarning dna si perqliq chiqqanliqini bildürüp, “Emdi bizning u gumandarni sériq maykiliq bombichi shu, deydighan'gha héchqandaq delilimiz qalmidi” dégen.

Biraq bayanatchisi yene eskertip, “Emma uning partlashqa chétishliq ikenliki choqum” dep körsetken.

Nöwette, tayland hökümiti tutup turuwatqan gumandarlarning biri seyshenbe küni kambodzha chégrasida qolgha élin'ghan. Uning yénidin türk we xitay pasporti bayqalghan. Xitay pasporti tughulghan yéri “Shinjang”, ismi “Mir'eli” atliq bir kishige te'elluq idi.

Lékin da'iriler chégrada qolgha élin'ghan u kishining yaki saxta pasport ikenlikige chüshenche bermigen.