Хитай даирилири үрүмчи вә тоқсундики көйүватқан йәр асти көмүрлүкни өчүрүшкә киришкән

Мухбиримиз әркин
2016-10-07
Share

Хитай дөләтлик тәрәққият -ислаһат комитети уйғур районида һазирға қәдәр көйүватқан икки йәр асти көмүрлүкни өчүрүшкә киришип, униңға 39 милйон доллар пул аҗратқан.

Хитай һөкүмәт ахбарати‏-шинхуа агентлиқиниң хәвәр қилишичә, уйғур аптоном районлуқ тәрәққият вә ислаһат комитети 39 милйон долларниң кәлгүси 3 йилда үрүмчи вә тоқсундики икки йәр асти көмүрлүкни өчүрүшкә ишлитилидиғанлиқини билдүргән.

Хитай һөкүмити 2009‏-йили “5‏-июл вәқәси”дин кейин, уйғур районида зор көләмлик көмүр електр истансилирини қуруп, көмүрини өз җайида истемал қилиш, ғәрбниң токи билән шәрқни тәминләш қурулушини йолға қойған.
Лекин муһит қоғдиғучиларниң илгири сүрүшичә, мәзкур қурулуш електр ениргийәсигә болған еһтияҗни қамдиған болсиму, әмма бу көмүр истемалниң артишини пәйда қилип, уйғур илида муһитниң булғинишини еғирлаштурған.

Д с т ниң икки күн аввал елан қилған доклатида, уйғур райони хитайда һаваси әң булғанған районлар қатариға киргән. Лекин шинхуа агентлиқиниң илгири сүрүшичә, үрүмчи, тоқсундики көйүватқан йәр асти көмүрлүкни өчүрүшкә пул аҗритиштики мәқсәт муһитни қоғдап, көмүр записини сақлап қелишкән.

Уйғур райони 19.2 Трилион тонна көмүр записиға игә болуп, у хитай көмүр записи әң мол район. Һазир үрүмчидә көйүватқан йәр асти көмүрлүкниң көлими 310 миң квадратметирға, тоқсундики көмүрлүкниң көлими 860 квадратметирға йетип барған.

Шинхуа агентлиқиниң нәқил кәлтүрүшичә, һәр йили үрүмчидә 217 миң тонна, тоқсунда 450 миң тонна көмүр көйүп кетидикән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт