Chira nahiyeside "Déhqan-charwichi ammini terbiyelesh kursi" oqush bashlighan

Muxbirimiz irade
2018-12-27
Élxet
Pikir
Share
Print

Chira nahiyelik hökümet torida bésilghan bir xewerge qarighanda, chira nahiyeside 21-dékabir küni, "Déhqan-charwichi ammini terbiyelesh kursi" oqush bashlighan.

Xewerde bu kursta déhqan-charwichi ammisining qurulush, tokchiliq, ashpezlik, hösn tüzesh we satirashliq, a'ile mulazimet kespiy qatarliqlar boyiche "Terbiye" linidighanliqi, xelq ammisining kurslargha nahayiti zor ishtiyaq bilen özlükidin kélip tizimlatqanliqi ilgiri sürülgen.

Xelq'aradiki kishilik hoquq organliri we amérika qatarliq döletlerning munasiwetlik emeldarliri xitay hökümitining Uyghur élide ikki milyondin oshuq kishini "Qayta terbiye merkizi" namidiki lagérgha qamighanliqini bildürgendin kéyin, xitay hökümiti bu orunlarning "Lagér" liqini ret qilghan we bu orunlarning "Kespiy téxnika terbiyelesh orni" ikenlikini bazargha sélishqa bashlighan idi.

Yuqiriqi xewerde tilgha élin'ghan bu "Kurs" larning xitay ilgiri sürüwatqan "Kespiy téxnika terbiyelesh orni", yeni "Yépiq terbiye lagéri" ikenliki yaki tutqunlar axshimi öylirige qaytalaydighan "Ochuq terbiye lagéri" ikenliki hazirche éniq emes. Emma xewerde "Kurs" qa birinchi türkümde 1500 din oshuq kishining qobul qilin'ghanliqi we "Terbiye" linidighanlarning dawamliq köpeytilidighanliqi ilgiri sürülgen.

Toluq bet