Хитай өз тәшвиқат аппаратиниң аҗизлиқ қиливатқанлиқини көрсәткән

Мухбиримиз үмидвар
2016-06-09
Share


Хитай мәркизий интизам тәкшүрүш комитети тор бетидә чаршәнбә күни елан қилған доклатида хитай коммунист партийәси тәшвиқат аппаратиниң хизмәтлирини йетәрсизлик билән әйиблигән.

Мәлум болушичә, хитай мәркизий комитет тәшвиқат бөлүми бу йил февралдин башлап икки ай тәкшүрүлгән.

Доклатта интизам тәкшүрүш комитети баянатчиси ваң хуәйченниң ейтқанлиридин нәқил елип көрситишичә, тәкшүрүш нәтиҗиси хитай юқири дәриҗилик рәһбәрлирини мәмнун қилалмиған, улар мәзкур бөлүмниң идеологийә, хәлқ пикрини йетәкләш җәһәтләрдә қилған хизмәтлириниң күткәндәк яхши болмиғанлиқини көрситишкән.

Униң билдүрүшичә, сәнәтни сотсиялизм үчүн хизмәт қилдурушқа қаритилған йетәкләш мүҗмәл болған вә алий мәктәпләрдә сиясий пәлсәпигә йетәрлик әһмийәт берилмигән. Униңдин башқа, ахбарат саһәсидә хәвәрләрниң қаратмилиқи йетәрсиз болған болуп, тәшвиқат бөлүми партийиниң ахбаратни контрол қилиштәк йетәкчи ролини толуқ әмәлийләштүрүштә мәғлуп болған.

Мәзкур доклатниң елан қилиниши хитайда ахбарат саһәси, өктичиләр, кишилик һоқуқ адвокатлириға қаритилған бастуруш һәссиләп күчәйтилгән мәзгилгә тоғра кәлди.

Бу йил баһарда хитай рәиси ши җинпиң хитайдики нопузлуқ ахбарат органлириниң баш штаблирини зиярәт қилип, уларниң ахбарат мәвқәсини тәкшүргән иди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт