Xitay xelq jumhuriyiti tibetni kontrolluq astigha alghandin buyanqi eng chong su éléktr istansisi 23 - noyabir künidin étibaren resimi tok tarqitishqa bashlidi.
Xitay hökümet metbu'ati "Xitay kündilik" gézitining yézishiche, bu qurulush üchün 9 milyard 600 milyon yüen, yeni bir milyard 500 milyon dollar serp qilip, 8 yil waqit ketken. Bu, tibet égizlikidiki eng chong we uzun yarluzangbu deryasidiki 510 ming kilowat tok küchige ige éléktr isansisidur.
Xewerde éytilishiche, zangmu su éléktr istansisi dep atalghan mezkur su éléktr istansisi 6 tok chiqirish bölükidin terkip tapqan bolup, buning birinchisi ishqa kirishken bolup, ikkinchi bölek kéler ayda, qalghan töt bölek kéler yili toluq ishqa kirishtürilidiken.
Yarluzangbu deryasining uzunluqi 3 ming 800 kilométirdin artuq bolup, déngiz yüzidin égizliki 3 ming 300 métirdin ashidiken. Deryaning bu xil jughrapiyilik jaylishishi su éléktr istansisi üchün paydiliq iken. Emma, deryaning hindistan we ben’ gal qatarliq döletler arisidin ötüshi tüpeylidin, bu döletler xitayning su éléktr istansiliri qurulushi arqiliq ékologiyilik muhitqa selbiy tesir yetküzüshidin,xitayning su menbelirini qamal qilish arqiliq bu dölettiki milyonlighan ahalilarning su bilen teminlishining qiyinlishishidin endishe qilmaqta.
