بىر تىبەت ئانا ئۆزىگە ئوت قويۇپ خىتايغا نارازىلىق بىلدۈردى

مۇخبىرىمىز جۈمە
2015-05-30
ئېلخەت
پىكىر
Share
پرىنت


27 - ماي خىتاينىڭ گەنسۇ ئۆلكىسىدە بىر تىبەت ئانا ئۆزىگە ئوت قويۇپ خىتايغا نارازىلىق بىلدۈرگەن. بۇ ۋەقەدىن خەۋەردار كىشىلەرنىڭ رادىئومىزغا بىلدۈرۈشىچە، ساڭيە تسو ئىسىملىك 36 ياشلىق تىبەت ئايال گەنسۇ ئۆلكىسى چونە (جونى) ناھىيەلىك ساقچى ئالدىدا نامايىش قىلغان.

ئۇ نامايىش جەريانىدا ئۆزىگە ئوت قويۇپ، خىتاينىڭ تىبەتلەرگە قاراتقان باستۇرۇش سىياسىتىگە نارازىلىق بىلدۈرگەن ۋە نامايىش مەيدانىدا جان بەرگەن.

ئۇ ئۆيلۈك - ئوچاقلىق ئايال بولۇپ، ئۇنىڭ بىر ئوغلى بار ئىكەن.

تىبەتلەر 2009 - يىلىدىن بۇيان ئۆزنى كۆيدۈرۈپ خىتاي ھاكىمىيىتىگە رىقابەت ئېلان قىلىپ كېلىۋاتقان ئىدى. شۇندىن بۇيان 141 ئادەم ئۆزىنى كۆيدۈرۈپ جان ئۈزگەن.

بۇ يىل 20 - مايدا 4 بالىنىڭ دادىسى 35 ياشلىق تەنزىن گياتسو سىچۈەننىڭ گەنزى ( كاردز) تىبەت ئاپتونوم ۋىلايىتىدە ئۆزىگە ئوت قويۇپ نامايىش قىلغان ۋە ھاياتىدىن ئايرىلغان ئىدى.

پىكىرلەر (0)
Share
تولۇق بەت