پرېزىدېنت ترامپ خىتايدىن «تولۇق قول ئۈزۈش» كېرەكلىكىنى تەكىتلىدى

مۇخبىرىمىز نۇرئىمان
2020-06-19
Share

فىرانسىيە ئاخبارات ئاگېنتلىرى (AFP) نىڭ 19-ئىيۇن بەرگەن خەۋىرىدە پرېزىدېنت دونالد ترامپنىڭ ئامېرىكانىڭ خەلقئارا سودىنى ئىلگىرى سۈرۈش پىلانى بولسىمۇ، لېكىن خىتاينىڭ ئامېرىكا ئىقتىسادىغا ئارىلىشىشىنى كەسكىن رەت قىلىدىغانلىقى، شۇ سەۋەبتىن ئامېرىكانىڭ خىتاي بىلەن بولغان سودا ئالاقىسىنى ئۈزۈشنى تەشەببۇس قىلىدىغانلىقى ئىلگىرى سۈرۈلگەن.

ئىگىلىنىشىچە، پرېزىدېنت ترامپ ئۆزىنىڭ تىۋېتتېر ھېسابىدىن «ھەر قانداق شارائىتتا ئامېرىكا خىتايدىن پۈتۈنلەي قول ئۈزۈشنى تاللايدۇ،» دەپ ئۇچۇر يوللىغان.

ئامېرىكا قوشما شتاتلىرى خىتاي بىلەن بولغان سودا ئۇرۇشىدىن باشقا يەنە كورونا ۋىرۇسى يۇقۇمى، خوڭكوڭدا قارشىلىق پەيدا قىلغان «خىتاي دۆلەت خەۋپسىزلىكى قانۇنى» ۋە خىتاينىڭ ئۇيغۇر رايونىدىكى كەڭ كۆلەملىك باستۇرۇش سىياسىتى قاتارلىق بىر قاتار مەسىلىلەردە خىتاينى قاتتىق تەنقىد قىلىپ كەلمەكتە.

فىرانسىيە ئاخبارات ئاگېنتلىقىنىڭ خەۋىرىگە قارىغاندا، ئامېرىكانىڭ يۇقىرى دەرىجىلىك دىپلوماتى داۋىد ستىلۋېل ئامېرىكانىڭ خىتاي بىلەن تېخىمۇ ئوچۇق-ئاشكارا مۇناسىۋەتتە بولۇشنى تەشەببۇس قىلىدىغانلىقىنى تەكىتلىگەن. لېكىن بۇ ھەقتىكى سوئاللارغا تەپسىلىي جاۋاب بېرىشنى رەت قىلغان.

پىكىرلەر (0)

بارلىق پىكىر - بايانلارنى كۆرۈش.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.

تولۇق بەت