Хитайниң һөкүмәт санлиқ мәлуматлири уйғурларниң туғулуш нисбитиниң шиддәт билән чүшүп кәткәнликини көрсәтмәктә

Мухбиримиз әркин
2021-02-26
Share

Хитай һөкүмитиниң йеңи елан қилған санлиқ мәлумати уйғур елида йеқинқи 3 йил ичидә уйғурларниң туғулуш нисбитиниң шиддәт билән чүшүп кәткәнликини ашкарлап бәргән. Хоңкоң әркин ахбарат ториниң хәвәр қилишичә, хитайниң йеңи елан қилинған нопус санлиқ истатистикисида уйғур ели нопусиниң көпийиши йеқинқи 2 йил ичидә 3 дин 2 қисим дегүдәк азайғанлиқини көрсәтмәктә икән. Хитай доләтлик истатистика идарисиниң мәзкур санлиқ мәлуматида уйғур елида 2017-йили 15. 88 Пирсәнт болған туғулуш нисбитиниң 2019-йили 8. 14 Пирсәнткә чүшкәнликини билдүргән.

Хәвәрдә көрситишичә, охшаш мәзгил ичидә хитайниң мәмликәтлик оттуричә туғулуш нисбити аран 2 пирсәнт азайған икән. Хәвәрдә бу әһвалниң хитай һөкүмити уйғурларни кәң көләмлик лагерларға қамиған вә уларға туғут контроли елип барған мәзгилдә йүз бәргәнликини билдүргән. Германийәлик уйғуршунаш адриян зенз өткән йили елан қилған бу һәқтики доклатида уйғур ели нопусиниң көпийиси 2017-йилдин кейин 65 пирсәнт азайғанлиқи, уйғурлар зич олтурушлуқ бәзи җайларда туғулуш нисбитиниң азийиши 80 пирсәнттин ашидиғанлиқини илгири сүргән. Бирақ хитай һөкүмити нупусниң азайғанлиқини рәт қилип, адриан зензгә шәхсий һуҗум қилған.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт