Уйғур елида туңган вә моңғул аптоном областлириниң 60 йиллиқи тәбрикләнгән

Җуңго радио ториниң хәвәр беришичә, өткән һәптә уйғур елида санҗи туңган аптоном области билән бортала моңғул аптоном области қурулғанлиқиниң 60 йиллиқи тәбрикләнгән.

Мәлумки, санҗи туңган аптоном области билән бортала моңғул аптоном области 1954-йили қурулған. Ундин башқа, или қазақ аптоном области, байинғолин моңғул аптоном области вә қизилсу қирғиз аптоном области қатарлиқ аптоном областлар 1955-йили уйғур аптоном райони қурулуштин илгирила қурулуп болған.

Уйғурлардин башқа милләтләргә берилгән аптоном област вә наһийәләрниң йәр мәйдани уйғур ели омумий йәр көлиминиң 60% тин көпрәкини игилигән. Униң үстигә, мәзкур районларда яшайдиған уйғур аһалилириниң башқа милләтләрдин көп болушиға қаримай, аталмиш "аптономийә" қалпиқи башқа милләтләргә кийдүрүлгән.

Көзәткүчиләр изчил йосунда хитай компартийәси уйғур елида йолға қойған өлкә дәриҗилик аталмиш "аптоном район" ичидики "аптоном област" вә "аптоном наһийә" ләрниң хитайниң "бөлүп башқуруш" истратегийәсиниң бир қисми икәнликини тәкитләп кәлмәктә.

Буни бесиш арқилиқ, пикриңизни йезиң

• Принт
• Һәмбәһр
• Әвәтиш

Барлиқ пикир - баянларни көрүш.

• Бүгүнки аңлитиш
• Илгирики аңлитишлар