"вайред" тор журнили: "шинҗаңда саяһәтчилик уйғур мәдәнийитиниң ахирқи излирини йоқатмақта"

Америкадики "вайред" (Wired) тор журнили хәвәр елан қилип, уйғур районида саяһәтчиликниң уйғур мәдәнийитиниң әң ахирқи излирини йоқитиватқанлиқини илгири сүрди.

Хәвәрдә, өткән йили уйғур районида зиярәттә болған фирансийәлик патрик вакниң сөзи нәқил кәлтүрүлүп, бу районда әнәниви уйғур мәдәнийәт излириниң асасән ғайиб болуватқанлиқи, "һазир уйғур аяллириниң һиҗап тақимайдиғанлиқи, һәрқандақ мусулманлиқ яки оттура-шәрқ типидики симвулларниң өчүрүлгәнлики", мәзкур районниң һазир "пүтүнләй башқа бир җай" ға айлинип қалғанлиқи илгири сүрүлгән.

Патрик вак 2019-йилдин бурун уйғур районида бир қанчә қетим зиярәттә болған. Униң тәкитлишичә, бу қетим уни әң һәйран қалдурғини кочида 20 яштин 60 яшқичә болған әркәкләрниң йоқлуқи икән. Хәвәрдә, уларниң мутләқ коп қисминиң тутқун қилинип, лагерларға елип кетилгән болуши мумкинлики илгири сүрүлгән. Униң қәйт қилишичә, "районда шәһәрләр пүтүнләй хитай шәһәрлиригә айланған. Шәһәрдики әнәниви җайлар вәйран қилинған яки сақлап қелинип, көңүл ечиш бағчилириға айландурулған".

У дәрвәқә, "шинҗаңниң барғанчә хитай саяһәтчилириниң саяһәтгаһиға айлинип қеливатқанлиқи, уларни бу районниң қумлуқ мәнзириси шундақла йипәк йолиниң парчиси болған романтик тарихий җәлп қиливатқанлиқи" ни билдүргән. Лекин униң қәйт қилишичә, "бу хил җәлпкарлиқ бир тәрәплимилик икән". У, хитай саяһәтчилириниң қумтағ чөлидәк мәнзирилик районларда уйғур мәдәнийити вә тарихиға ғәйрий қарайдиғанлиқи, "уйғур мәдәнийитиниң һәм ғәйриләштүрүлүп һәм системисиниң йоқитишиға учраватқанлиқи" ни илгири сүргән.

Буни бесиш арқилиқ, пикриңизни йезиң

• Принт
• Һәмбәһр
• Әвәтиш

Барлиқ пикир - баянларни көрүш.

• Бүгүнки аңлитиш
• Илгирики аңлитишлар