Хитай ишләпчиқириш-қурулуш армийәсиниң «13-бәш йиллиқ пилан программиси» ни елан қилди

Мухбиримиз қутлан
2016-05-16
Елхәт
Пикир
Share
Принт

Биңтуән хәвәр торидин мәлум болушичә, 12-май күни хитайниң уйғур елидики ишләпчиқириш-қурулуш армийәси ахбарат елан қилиш йиғини өткүзүп, «13-бәш йиллиқ пилан программиси» ни елан қилған.

Мәзкур программида «13 бәш йиллиқ пилан» мәзгилидә биңтуәнниң иқтисадий тәрәққиятини оттуридин йоқири өсүш сәвийәсидә, йәни йилиға 9% лик өсүш нисбитини сақлаш, 2020-йилиға барғанда ишләпчиқириш омумий қиммитини 33 милярд сомға йәткүзүш пиланланған.

«Программа» да йәнә «13-бәш йиллиқ пилан» мәзгилидики биңтуәнниң тәрәққият идийәси һәққидә мундақ 4 түрлүк истратегийилик орунлаштуруш оттуриға қоюлған: «шинҗаңниң иҗтимаий муқимлиқини қоғдап, узақ мәзгиллик әминликини ишқа ашурушни омумий мәқсәт қилиш, йеңи тәрәққият уқумини изчиллаштурушни асасий линийә қилиш, иқтисадий гүллиниш билән пуқралар турмушини яхшилашни асас қилиш, йипәк йоли иқтисадий бәлвеғи елип кәлгән пурсәтни чиң тутуп, биңтуәнниң җәнубий шинҗаңдики тәрәққиятини нуқта қилиштин ибарәт.»

Мәлумки, биңтуән хитай компартийәсиниң уйғур елини узаққичә идарә қилиш вә хитайниң ғәрбий-шимал чегра бихәтәрликини капаләткә игә қилишни мәқсәт қилған йерим әскирий, йерим мәмурий аппаратидур.

Көзәткүчиләр билән сиясий анализчилар, биңтуәнниң «13-бәш йиллиқ пилан» мәзгилидики әң муһим истратегийәсиниң ядросини уйғур елиниң муқимлиқини сақлаш билән җәнубий уйғур елиға кеңийишкә қаратқанлиқиға диққәт қилмақта.

Пикирләр (0)
Share
Толуқ бәт