Уйғурлар диярида һава мудапиәси сигнали маневири болмақчи

Мухбиримиз әзиз
2020-09-11
Share

Хитай даирилири йеқинда уйғурлар дияридики һәрқайси шәһәрләрдә 18-сентәбир күни саәт чүш саәт 12 дә (үрүмчи вақти 10 да) һава һуҗумидин мудапиәлиниш сигналиға инкас қайтуруш маневири өткүзидиғанлиқини елан қилди. Уйғур аптоном районлуқ һөкүмәт 10-сентәбир күни бу һәқтә мәхсус уқтуруш чиқарди.

“тәңритағ” ториниң 10-сентәбирдики хәвиридә ейтилишичә, бу қеитимлиқ маневир үрүмчи, ғулҗа, қәшқәр, хотән қатарлиқ барлиқ чоң шәһәрләрдә тәңла өткүзүлидикән. Хәвәрдә бу қетимқи маниверниң хитайдики “һава мудапиә қануни” вә башқа низамларниң роһий бойичә “дөләт мудапиә тәрбийиси тәшвиқатини ашуруш һәмдә хәлқ аммисиниң һава һуҗумидин сақлиниш чүшәнчисини ашуруш” мәқситидә уюштурулғанлиқи ейтилиду.

Һалбуки бир қисим анализчилар буни хитай һөкүмитиниң уштумтут йүз бериш еһтимали болған һәқиқий һуҗумлар үчүн қиливатқан тәйярлиқиниң бир қисми, дәп қаримақта икән. Болупму хитай билән һиндистан оттурисидики чегра тоқунушиниң йеңи бир мәйдан урушқа айлинип кетиш еһтималлиқини тәкитлигән уйғур зиялийси қаһар барат “хитай һөкүмити һәрқачан ‛җинниң қәсти шаптулда‚ дегәндәк иш қилишқа адәтләнгән. Бу қетимму улар шәрқий түркистандики көчмән хитайларға бир қетимлиқ хатирҗәмлик туйғуси ата қилишни көзлимәктә” деди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт