پاسپورت يىغىۋېلىش سىياسىتى ئۇيغۇر ئاپتونوم رايونىدا ئومۇميۈزلۈك ئىجرا قىلىنماقتا

مۇخبىرىمىز ئىرادە
2016-10-20
Share

ئۇيغۇر ئېلىنىڭ بىر قىسىم جايلىرىدىكى ج خ ئورگانلىرى تەرىپىدىن چىقىرىلغان پاسپورت يىغىش ھەققىدىكى ئۇقتۇرۇشنىڭ پۈتكۈل ئۇيغۇر ئېلى مىقياسىدا ئوخشاش ئىجرا قىلىنىدىغانلىقى مەلۇم بولدى.

بىر قانچە كۈندىن بۇيان ئىجتىمائىي تاراتقۇلاردا شىخەنزە، ماناس، قۇمۇل ۋە مىدۇڭ شەھىرىدىكى ج خ تارماقلىرىنىڭ 18-ئۆكتەبىرگىچە پاسپورتلارنى تاپشۇرۇپ بېرىش ھەققىدىكى ئۇقتۇرۇشى تارقىلىپ، كۈچلۈك دىققەت قوزغىغان ئىدى. بۈگۈن ئىستانسىمىز مۇخبىرى شىخەنزە شەھەرلىك جامائەت خەۋپسىزلىك ئىدارىسىگە تېلېفون قىلىپ، خەۋەرنى دەلىللىدى. تېلېفونغا چىققان خادىم پاسپورت يىغىۋېلىش سىياسىتىنىڭ ئۇيغۇر ئېلىنىڭ بارلىق جايلىرىدا بىردەك ئىجرا قىلىنىدىغانلىقىنى ئېيتقان.

ئۇنىڭ ئېيتىشىچە، پاسپورت يىغىۋېلىش ھەققىدىكى ئۇقتۇرۇش چارشەنبە كۈنىدىن ئېتىبارەن تارقىتىلىشقا باشلىغان بولۇپ، شىخەنزە شەھىرىدىكى ئاھالىلەر كېلەر يىلى 2-ئاينىڭ 16-كۈنىگىچە پاسپورتلىرىنى ئۆزلىرى تۇرۇشلۇق جايلاردىكى ج خ ئىدارىلىرىگە ياكى نوپۇسى تۇرۇشلۇق ساقچىخانىلارغا تاپشۇرۇپ بېرىشى ئىكەن.

دۇنيا ئۇيغۇر قۇرۇلتىيى باياناتچىسى دىلشات رىشىت ئەپەندى بۇ ھەقتىكى سۆزىدە، پاسپورت يىغىۋېلىش سىياسىتىنىڭ ئاساسلىق نىشانىنىڭ يەنىلا ئۇيغۇرلار ئىكەنلىكىنى ۋە بۇنىڭ ئۇيغۇرلارنىڭ ساياھەت ۋە سەپەر ئەركىنلىكىنى چەكلەش، ئۇلارنىڭ شەخسى ئۇچۇرلىرىنى ئىگىلەشنى مەقسەت قىلىدىغانلىقىنى ئېيتىپ، خىتاي ھۆكۈمىتىنىڭ بۇ سىياسىتىنى تەنقىد قىلدى.

پىكىرلەر (0)

بارلىق پىكىر - بايانلارنى كۆرۈش.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.

تولۇق بەت