Хитай уйғур райониниң пахта ишләпчиқиришиға қарита қошумчә ярдәмни күчәйткән

Мухбиримиз әркин
2020-05-15
Елхәт
Пикир
Share
Принт

Хитай һөкүмити уйғур районидики мәҗбурий әмгәкниң асаслиқ һалқиси, дәп қариливатқан пахта ишләпчиқиришиға қарита қошумчә ярдәм беришни күчәйтип, пахта баһасини қоғдашқа киришкән. Тәңри тағ ториниң хәвәр қилишичә, хитай тәрәққият-ислаһат комитети уқтуруш чүшүрүп, бу йилдин башлап уйғур аптоном райониниң нишанлиқ пахта баһасиниң һәр тоннисини 18 миң 600 йүән, дәп елан қилған. Мәлум болушичә, даириләр пахта баһасиға қарита һәр 3 йилда бир қетим баһалаш елип баридикән.

Хитайниң бу қарари уйғур диярида ишләпчиқирилған пахта мәһсулатлириға қарита хәлқара ембарго күчийип, нурғун хәлқара ширкәтләр райондики хитай пахта тоқумичилиқ карханилири билән болған алақисини үзүватқан мәзгилдә чиқирилди. Бу йилниң башлирида хәлқара пахтичилиқ тәшкилати уйғур районидин чекинип чиққанлиқини елан қилған. Америка таможна идариси районда ишләнгән бәзи пахта мәһсулатлирини чәклигәниди.

Анализчиларниң билдүрүшичә, бу тәрәққият райондики уйғурларни мәҗбурий әмгәккә селиватқан хитай пахта тоқумичилиқ карханилириға җиддий хирис пәйда қилған.

Анализчилар, хитай һөкүмити бу карханиларниң тақилип, пахта баһасиниң чүшүп кетиши, пахта ишләпчиқиришиниң азийишини тошуш үчүн баһаға арилашқанлиқини билдүрмәктә. Хитайниң 2017-башланған чоң тутқуни билән бир вақитта нурғун карханилар уйғур райониға йөткилип чиққан.

Тәңри тағ ториниң тәкитлишичә, «бу сиясәтниң елан қилиниши шинҗаңниң пахтичилириға ‹йүрәкни тинчландуруш дориси' бәргән».

Уйғур аптоном райони хитайниң әң чоң пахта базиси болуп, у хитай пахта мәһсулатиниң 84%ni тәшкил қилиду.

Пикирләр (0)
Share
Толуқ бәт