Уйғур дияридики сақчилар қошуниниң техиму күчийишидин бешарәтләр берилмәктә

Мухбиримиз әзиз
2021.01.12

Хитай һөкүмитиниң уйғурларни милйонлап лагерға қамиши һәмдә мәҗбурий әмгәккә тәшкиллишиниң муһим капалити болған хитай сақчилириниң уйғур дияридики нопузи бундин кейин техиму ашидиғанлиқи һәққидә түрлүк бешарәтләр берилмәктә.

“ақсу гезити” ниң 11-январдики хәвиридә ейтилишичә, вилайәтлик җамаәт хәвпсизлик (җ х) идариси хитай һөкүмити 2020-йили июлда алған қарар бойичә “8-январ сақчилар байрими” ни тәбриклигән. Шуниңдәк вилайәт бойичә барлиқ сақчилар сәп болуп, хитайниң сақчи байриқиға йүзләнгән һалда “төттә полаттәк болған сақчилар қошуни қуруп чиқиш” һәққидә қәсәм бәргән. Қәсәмяд йиғинида сақчилар қошуниниң нөвәттики баш тема болған муқимлиқни сақлаш, “рәзил вә қара күчләр” ни йоқитиш саһәсидә зор хизмәт көрсәткәнлики, буниңдин кейинму бу җәһәттә садиқлиқ билән хизмәт қилиши лазимлиқи, шуниңдәк өлүп кәткән сақчиларғиму яхши нәпиқә берилидиғанлиқи алаһидә тәкитләнгән. Шуниңдәк 2021-йили 1-июл күни хитай компартийәси қурулғанлиқиниң йүз йиллиқи үчүн қаттиқ өлчәм вә тәләп бойичә хизмәт қилиши, шу арқилиқ муқимлиққа алаһидә төһпә қошуши тилға елинған.

Ақсу вилайәтлик сақчи идарисиниң бу хил сиясий паалийәтлириниң юқири дәриҗилик сақчи орунлири орунлаштурған хизмәтләрниң бир қисми икәнликини тәкитлигән анализчилар бу хил “қаттиқ вә полаттәк” хизмәт ипадисигә игә болушниң уйғурларни техиму қаттиқ бастуруштин башқа мәнисиниң йоқлуқини билдүрди. Мәлум болушичә, нөвәттә бу хил паалийәтләр һәрқайси җайлардики барлиқ вилайәт вә наһийәләрдә давам қилмақтикән.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.