Хитайниң тибәткә иккинчи төмүрйол линийәси ачмақчи болғанлиқи хәлқара җәмийәтниң әндишини қозғимақта

Мухбиримиз қутлан
2016-03-07
Share

Бирләшмә агентлиқниң хәвиригә қариғанда, хитай һөкүмити өткән һәптә сичүән өлкисиниң мәркизи чеңдудин тибәт аптоном райониниң мәркизи ласаға қатнайдиған иккинчи төмүрйол линийәсини ачидиғанлиқини елан қилған.

Мәзкур хәвәр чәтәлләрдики тибәт җамаити билән хәлқара җәмийәтниң күчлүк әндишисини қозғиған. Улар бирдәк хитайниң тибәткә иккинчи төмүрйол линийәсини ечиши, шәк-шүбһисизки, хитай көчмәнлириниң тибәткә сәлдәк еқишиға асанлиқ туғдурупла қалмастин, бәлки йәнә тибәт егизликиниң муһитиға еғир тәһдит елип келиду, дәп қаримақта.

Мәлум болушичә, хитайдики нопуси әң көп болған өлкә - сичүәндин ласаға ясилидиған иккинчи төмүрйол линийәсиниң омумий узунлуқи 1900 километирдин артуқ болуп, тәхминән 13 саәттә йетип барғили болидиғанлиқи мөлчәрләнмәктикән.

Тибәт аптоном райониниң рәиси лосаң җамкан бейҗиңдики хитай мәмликәтлик хәлқ қурултийи йиғинида тибәткә ясилидиған иккинчи төмүрйолниң тибәт хәлқигә зор иқтисадий тәрәққият елип келидиғанлиқини тәкитлигән. Тибәт аптоном районлуқ парткомниң муавин секретари падма чолиң: "иккинчи төмүрйол линийәси тибәтниң екологийәлик муһитиға зәрәр йәткүзәлмәйду," дегән.

Көзәткүчиләр, бу хитай компартийәсиниң тибәтлик әмәлдарларниң еғизи арқилиқ хәлқара җәмийәтни ғәләт қилишқа урунушидин башқа нәрсә әмәс, дәп қаримақта.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт