Uyghur élining shixu shehiride 3 neper korona wirusi yuqumdari bayqalghan

Muxbirimiz erkin
2022.04.18
Share on WhatsApp
Share on WhatsApp

Xitay sehiye tarmaqliri ‍uyghur élide ötken bir heptidin béri héchqandaq korona wirusi yuqumdari bayqalmighanliqini jakarlap arqidinla tarbaghatay wilayitining shixu shehiride üch neper yuqumdar bayqalghan. Xitay taratqulirining xewer qilishiche, shixu shehiride bayqalghan yuqumdarlarning hemmisi késellik alamiti yoq yuqumdarlar iken. Xitay sehiye tarmaqliri xitayning shangxey, jilin, gu'angju qatarliq jaylirida yuqum keng kölemlik ewj élip, bu rayonlar karantin'gha élin'ghan bolsimu, lékin Uyghur élida yéqinqi bir heptidek waqittin béri héchqandaq yuqum ehwali bayqalmighanliqini jakarlap kelgenidi.

Xitayning “Junggo xewerliri” torining bildürüshiche, shixu sheherlik sehiye komitéti 16-aprél axbarat élan qilip, buningdin bir kün awwal yeni 15-aprél küni bu sheherde késellik alamiti yoq 3 neper yuqumdar bayqalghanliqi, yuqumdarlarning ichkiri ‍ölkidin kelgen wirus yuqumdariliri bilen qoyuq uchrishishta bolghanliqini bildürgen. Shixu sheherlik sehiye tarmaqlirining éytishiche, bu 3 yuqumdar wirusni 4-ayning bashliri ichkiri ‍ölkidin yük aptomobili heydep Uyghur iligha kelgen ikki xitay shopurdin yuqturuwalghaniken.

Xewerde, bu ikki shopurning di'agnoz qoyulghan yuqumdarlar ikenliki, ularning 6- we 10-aprél künliri shixu shehiride toxtap, yuqiriqi kishiler bilen yéqin uchrishishta bolghanliqi tekitlen'gen. Xewerde éytilishiche, yuqiriqi 3 yuqumdar ikki may ponkitida ishleydighan er-ayal iken. Xitay hökümiti shi jinpingning “Nöl korona wirusi” istratégiyesige asasen wirus bayqalghan rayonlargha qarita qattiq kontrolluqni yolgha qoyup, yuqumning tarqilishini chekleshke tirishqandek qilghan bolsimu, biraq uning bu siyasiti insanlarning ach qélishi, psixologiyesining buzulushi, tirikchilik yolining taqilishidek tragédiyelik aqiwetlerni keltürüp chiqirip, qattiq naraziliqqa uchrighan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet