Уйғур диярида 2-авғуст күни йәнә 28 нәпәр корона вируси юқумдари байқалди

Мухбиримиз әркин
2020-08-03
Елхәт
Пикир
Share
Принт

Уйғур диярида корона вируси юқумдарлири давамлиқ көпәймәктә. Хитай сәһийә тармақлириниң 3-авғуст күни ашкарилишичә, районда 2-авғуст күни йәнә 28 нәпәр йеңи юқумдар байқалған. Хитайниң шу күни мәмликәт миқясида байқалған юқумдарлар сани 43 нәпәр болуп, буниң мутләқ көп қисмини уйғур аптоном районидики юқумдарлар тәхшкил қилған. юқумдарларниң мутләқ көп қисми давамлиқ уйғур диярида байқиливатқан болсиму, лекин хитай даирилири юқумниң мәнбәси һәққидә һазирға қәдәр һечқандақ учур берип бақмиди. Хитай сәһийә даирилириниң билдүрүшичә, уйғур диярида 2-авғуст байқалған йеңи юқумдарларниң һәммиси үрүмчидә икән.

Нөвәттә даириләр районда байқалған омумий юқумдар саниниң шу күни 590 гә йетип барғанлиқи, уларниң пәқәт 4 нәпириниң башқа җайларда, қалғанлириниң һәммисиниң үрүмчидә икәнликини билдүргән. Хитай сәһийә тармақлириниң илгири шүрүшичә, башқа җайларда байқалған 4 нәпәр юрумдарниң иккиси қәшқәрдә, бири биңтуәндә, бири санҗида икән. Хитай иҗтимаий таратқулиридики учурлардин мәлум болушичә, хитай һөкүмити районда, болупму үрүмчиниң уйғурлар зич олтуруқшлуқ тәңритағ вә сайбағ районлирида техиму қаттиқ карантин тәдбирлирини йолға қойған.

Мәһәллиләр қамал қилинип, олтурақ өйләр печәтлигән. Аһалиләрниң талаға чиқиши қәтий чәклинип, ишикләргә сигнал бериш әсваблирини орнитилған. Қәйт қилинишичә, бу хил әсваб орнитилған өйләрниң ишики ечилған һаман дәрһал сақчиға хәвәр беридикән. Бу хил радикал тәдбирләр чәтәлдики уйғурларда хитай һөкүмитиниң нийитигә қарита гуман вә әндишә қозғимақта. Уларниң агаһландурушичә, бу тәдбир уйғур аилилиридә ачарчилиқ пәйда қилиши мумкин икән. Хитай һөкүмити бу йилниң башлирида вухәндиму бу хил тәдбирни йолға қоюп, нурғун адәм өлгән иди.

Пикирләр (0)
Share
Толуқ бәт