Уйғур диярида 6-авғуст күни йәнә 26 нәпәр корона вируси йеңи юқумдари байқалған

Мухбиримиз әркин
2020-08-07
Share

Уйғур диярида корона вируси юқумдарлири һәр күни икки ханилиқ сан билән көпәймәктә. Даириләр юқумдарларниң һәммисиниң үрүмчидә байқиливатқанлиқини илгири сүрсиму, лекин униң ғулҗа қатарлиқ җайларда алған қаттиқ карантин тәдбирлири көзәткүчиләрдә һөкүмәт бу җайлардики юқумни йошуруватамду қандақ, дегән гуманни қозғап кәлди. Хитай сәһийә тармақлириниң ашкарилишичә, 6-авғуст күни уйғур райони миқясида йәнә 26 нәпәр йеңи юқумдар байқалған. Йеңи байқалған юқумдарларниң һәммиси үрүмчи икән.

Даириләр буниң алдида, йәни 5-июл күни районда 27 нәпәр юқумдар байқалғанлиқи, уларниңму һәммисиниң үрүмчидә икәнликини елан қилған иди. Уйғур аптоном районлуқ сәһийә комитетиниң 7-июл елан қилишичә, 6-июл күни районда байқалған рәсмий юқумдарларниң сани 643 кә йетип барған. Шу күни район миқясида байқалған гуманлиқ юқумдарлар 128 нәпәр икән. Нөвәттә уйғур дияри хитайдики әң еғир юқум райониға айланған.

Мәлум болушичә, 6-авғуст хитай миқясида байқалған омумий юқумдарларниң 60% дин көпрәкини уйғур дияридикиләр тәшкил қилған. Хитай дөләтлик сәһийә комитети җүмә күни елан қилған учурида, 6-авғуст күни хитай миқясида 37 нәпәр юқумдар байқалғанлиқини билдүргән. Уйғур аптоном районлуқ сәһийә комитетиниң билдүрүшичә, нөвәттә пүткүл район миқясида 19 миң 546 нәпәр киши теббий карантин астида тутуп турулмақта икән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт