Хитайниң уйғур елидики нопус тизимлаш һәрикитигә 137 миң киши қатнашмақтикән

Мухбиримиз әркин
2020-11-02
Share

Хитай һөкүмитиниң 7-нөвәтлик омуми хәлқ нопус тизимлаш һәрикити уйғур елидә 1-ноябир рәсмий башланған. «Шинҗаң гезити» ниң ашкарилишичә, бу нөвәтлик нопус тизимлаш һәрикитидә уйғур ели миқясидин 137 миң хадим сәпәрвәр қилинған болуп, тәкшүргүчиләр 1-ноябирдин башлап өйму-өй кирип нопус тизимлимақтикән. Бу нөвәтлик нопус тизимлаш хитай һөкүмити уйғур нопусини мәқсәтлик йоқитип, «ирқий қирғинчилиқ» елип бериш билән әйиблиниватқан мәзгилдә елип берилған.

Мутәхәссисләр вә кишилик һоқуқ тәшкилатлириниң илгири сүрүшичә, хитай һөкүмити милйонлиған уйғурни түрмә, лагерға қамиған, мәҗбурий әмгәккә салған, нурғун аилиләрни вәйран қилип, йүз миңлиған уйғур балилирини йетимхана яки «ятақлиқ мәктәпләр» гә мәһкум қилған. Уйғур аяллирини мәҗбурий туғмас қилип, уйғур нопусиниң 2017-йилдин башлап зор дәриҗидә азийип кетишини кәлтүрүп чиқарған. «Шинҗаң гезити» тәкитлишичә, бу нөвәтлик нопус тизимлашта һәр усуллар қоллинилмақтикән.

Хәвәрдә, «тәкшүрүшниң өйму-өй кирип тизимлаш, торда өзлүкидин толдуруш, електронлуқ әсваб вә нәқ мәйдандин биваситә санлиқ учур амбириға йоллаш қатарлиқ усулларни ишлитип, һәр бир учурниң тоғра топлинишиға капаләтлик қилиниватқанлиқи» илгири сүрүлгән. Хәвәрдә тәкитлинишичә, нөвәттә уйғур елидә нопус тизимлашқа 137 миң 98 хадим қатнашқан болуп, уларниң 108 миң 650 нәпири нопус тәкшүргүчи, 28 миң 448 нәпири нопус тәкшүрүш йетәкчиси икән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт