Хитай даирилири бу йил уйғур елида 79 миң кишини хизмәткә орунлаштурған

Мухбиримиз әркин
2020-12-29
Share

Америка малийә министирлиқи 28-декабир күни уқтуруш елан қилип, америка пуқралири вә ширкәтлириниң һәрбийләр контроллиқидики хитай карханилириға мәбләғ селишини чәкләйдиғанлиқини билдүргән. Америка ташқий ишлар министири майк помпейониң елан қилған язма баянатида тәкитлинишичә, америка малийә министирлиқи 28-декабир елан қилған бу һәқтики уқтурушида хитай һәрбий карханилириға мәбләғ салған америкалиқ мәбләғ салғучиларниң келәр йили 11-январдин бурун мәблиғини қайтуруп чиқиши тәләп қилинған.

Америка малийә министирлиқиниң билдүрүшичә, келәр 11-январдин кейин ширкәт яки шәхсләрниң хитай һәрбий карханилиридики мәблиғи қанчилик болушидин қәтийнәзәр мәбләғ яки пай чәк обороти бирдәк тохтитилидикән. Президент трамп бу йил 11-айда мәмурий буйруқ чүшүрүп, америкалиқ мәбләғ салғучилар вә пенсийә фундилириниң хитай һәрбий карханилириға мәбләғ селишини чәкләйдиғанлиқини елан қилған иди.

Майк помпейо 28-декабир елан қилған баянатида: "бу буйруқ америка мәблиғиниң хитайниң һәрбий, истихбарат, бихәтәрлик җәһәтләрдики тәрәққияти вә заминивийлишишиға ишлитилмәсликигә капаләтлик қилип, америкалиқ мәбләғ салғучиларниң бихәвәр һалда һәрбийләр контроллиқидики хитай карханилириға мәбләғ селишиниң алдидини алиду," дегән.

Америка малийә министирлиқиниң уқтурушида тәкитлинишичә, президентниң буйруқи һәр хил индикис пай фонди, индикис фонди, пай чеки яки контроллиқи хитай армийәсиниң илкидики карханиларға тәдбиқлинидикән. Хәвәрдә америка малийә министирлиқиниң бу хил хитай ширкәтлириниң тизимликини түзүп чиқишни пиланлаватқанлиқи тәкитләнгән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт