Өзбекистандики чәтәл мухбирлири ичидә хитай мухбирлири әң көп санни игилигән

Мухбиримиз үмидвар
2016-01-03
Share


Өзбекистан һөкүмити тәрипидин рәсмий түрдә тәстиқидин өтүп, өзбекистанда хәвәр ишләш һоқуқиға игә болған 30 чәтәл аммиви ахбарат васисити мухбириниң ичидә хитай мухбирлири әң көп санлиқни игилигән.

Пәрғанә учур ториниң өзбекистан ташқи ишлар министирлиқиниң тор сәһиписидә өткән йили 29 - декабир күни тарқитилған өзбекистандики хәвәр ишләш һоқуқиға еришкән чәтәл мухбирлири тизимликидин нәқил елишичә, өзбекистан ташқи ишлар миснитирлиқи рухсәт қилған 30 чәтәл мухбириниң 14 нәпири хитай мухбири болуп, булар: хитай мәркизий телевизийә, шинҗаң телевизийәси, венхуй гезити, иқтисад күндилик гезити, шинхуа агентлиқи вә башқиларниң мухбирлири икән.

Хәвәрдә ейтилишичә, хитай ахбарат вастилириниң өзбекистанда мундақ кәң даиридә йәр елиши, хитайниң оттура асия җумһурийәртлиридики вәқәләргә наһайити диққәт қиливатқанлиқини көрсәтсә, йәнә бир тәрәптин өзбекистан билән хитайниң муқим вә яхши мунасивәтлирини көрситидикән.

Өзбекистан билән түркийәниң сиясий қарашлирида зор пәрқләр болсиму, әмма түркийиниң 5 мухбири тизимликкә киргән болуп, улар "җаһан", "т р т> вә "анатолу" агентлиқлириниң мухбирлири икән. Әмма ташкәнт тәрипидин рухсәт қилинған русийә мухбири икки нәпәр болуп улар, интерфакис, вә русийә хәвәрләр агентлиқиниң мухбирлири икән.

2006 - Йили, өзбекистан ташқи ишлар министирлиқи өзбекистан ташқи ишлар министирлиқиниң тәстиқидин өтүп, тизимға елинмиған һәр қандақ чәтәл мухбириниң өзбекистан земиндин кәспий паалийәт қилиши чәкләнгән иди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт