Хитайниң вирусқа қарши "җәң вәзийити" яритип аһалиләрни қамал қилиши наразилиқ қозғиған

Мухбиримиз җәвлан
2020-08-26
Share

Америкадики дөләтлик аммиви радио, йәни NP ниң хәвәр қилишичә, уйғур районида корона вируси қайта ямриғандин кейин хитай бу районни сирттин айривәткән болуп, тәхминән 22 милйон аһалә өйидин чиқалмайдиған һаләт шәкилләнгән. Йәрлик әмәлдарларниң билдүрүшичә, 800 дәк кесәлниң бир йәргә топлинип давалиниши үчүн мушундақ тәдбир қоллинилған. 7-Айниң оттурисида уйғур районлуқ һөкүмәт бу районниң "җәң һалити" гә киргәнликини җакарлиған. Мәһәллә кадирлири өйму өй кирип ишикләрни печәтләп, аһалиләрниң сиртқа чиқишини чәклигән.

Алдинқи һәптиниң ахирида уйғур районидики аһалиләр бу әһвалға болған наразилиқини хитайдики иҗтимаий алақә торлирида ашкарилашқа башлиған, әмма бу видийолар дәрһал өчүрүлгән. Бирәйләнниң ашкарилишичә, мәһәллә кадирлири бирәрсиниң талаға чиққинини көрсә дәрһал сақчиға мәлум қилидикән. Өйигә соланған аһалиләрниң турмуш еһтияҗини қамдаш үчүн мәһәллә кадирлири яки пидаийлар зөрүр лазимәтликләрни йәткүзүп беридикән. Әмма хитайда мәһәллә мулазимити тәрәққий қилмиғачқа аһалиләрниң толиси ач қалған.

Радио мухбирлириниң игилишичә, аһалиләргә йәнә қоңур рәңлик бир хил җуңйи дориси мәҗбурий ичкүзүлүватқан болуп, кесәл юқмиғанлар бу дорини ичсә вирустин сақлиналайду дәп тәшвиқ қилинған, һазир бу дориниң ишлитилиш нисбити йүз пирсәнткә йәткән, әмма теббий саһәдә бу дориниң үнүмлүк яки үнүмлүк әмәслики техи испатланмиған.

Бу хил "җәң вәзийити" ниң қачан аяғлишидиғанлиқи һәққидә хитай әмәлдарлири конкрет вақит бекитмигән, үрүмчи шәһәрлик һөкүмәтниң бир хитай әмәлдари: "бизниң қамал қилиш сияситимиз юқумлуқ кесәл башланған вақит билән ахирлишидиған вақитни асас қилиду" дегән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт