Вашингтон почтиси: "шинҗаңдики вәһшийлик хәлқараниң мас қәдәмлик инкас қайтурушини тәқәзза қилди"
"вашингтон почтиси" гезити 5-феврал тәһрират мақалиси елан қилип, хитайниң "шинҗаң лагерлиридики аяллар учраватқан қийин-қистақ, җинсий хорлаш вәһшийлики хәлқараниң мас қәдәмлик инкас қайтурушни тәқәзза қиливатқанлиқи" ни билдүрди. "вашингтон почтиси" ниң тәкитлишичә, явропа иттипақи билән мусулман дөләтләр америкаға қошулуп, б д т ниң районда йүз бәргән басқунчилиқ, қийин-қистақ вә башқа хорлаш қилмишлирини тәкшүрүшни тәләп қилиши керәк икән.
"вашингтон почтиси" ғәрбниң дәсләпки мәзгилдә уйғурниң лагерларға қамалғанлиқи, меңә ююлуватқанлиқи, арқидин қийин-қистақ, аялларни туғмас қилиш, мәҗбурий әмгәккә селиш һәққидики хәвәрләргә еришкәнлики, мана әмди BBC ниң лагердики аялларниң системилиқ басқунчилиққа учрайдиғанлиқи тоғрисида кишини чөчүтәрлик хәвәрләрни ашкарилиғанлиқи, америка һәқлиқ түрдә "ирқий қирғинчилиқ" дәп елан қилған бу вәһшийлик хәлқараниң мас қәдәмлик инкас қайтурушини тәқәзза қиливатқанлиқини билдүргән.
"хитайниң шинҗаңдики вәһшийликиниң техиму еғирлиқи мәлум болди" мавзулуқ тәһрират мақалисидә, хитайниң һазирға қәдәр бу вәһшийликни устилиқ билән йошуруп кәлгәнлики, явропа иттипақиниң пәқәт чақириқ қилип қоюштин башқа иш қилмиғанлиқи, бәзи мусулман дөләтлириниң изчил сүкүт қилип кәлгәнлики тәнқид қилинған. Мақалиниң ахирида, "улар америка билән қошулуп, б д т ниң басқунчилиқ, қийин-қистақ вә башқа хорлашларни тәкшүрүшини тәләп қилиши керәк" дейилгән.
- Сүбһи мәмәт: "кишәнләнгән киши мениң дадам"
- Рабийә қадир ханимниң сиңлиси арзугүл қадирниң лагердин чиқип җан үзгәнлики дәлилләнди
- Әдәбий тәрҗиман, илмий мудир әхмәтҗан җүмәниң икки йил "тәрбийәләш" тә ятқандин кейин 14 йиллиқ кесилгәнлики дәлилләнди
- Түркийәдә корона вирусидин юқумланған уйғурларниң сани 3 миңға, қаза тапқанларниң сани 30 ға йәтти
- 45 Йиллиқ түркийә пуқраси йәһя қурбан аяли билән ғайиб, түркийә қутулдурушқа чарисиз
