Xamas 24 sa'et urush toxtatqanliqini élan qildi

Muxbirimiz ümidwar
2014-07-27
Share

Pelestindiki xamas teshkilati 27 - iyul, yeni yekshenbe küni isra'iliye terep bilen yéngidin 24 sa'et urush toxtatqanliqini jakarlidi.

B b s agéntliqining yézishiche, xamas bayanatchisi urush toxtitishning shu yerning waqti, sa'et 14 te, yeni gréniwich waqti 11 de bashlinidighanliqini bildürgen.

Xamas bayanatchisi 24 sa'etlik urush toxtitish sewebini chüshendürüp, buning “Roza héyti teyyarliqi we b d t ning wasitichiliqigha jawaben” ikenlikini eskertken.

Amérika awazining yézishiche, buningdin ilgiri, shenbe küni birleshken döletler teshkilatimu ikki tereptin 12 sa'et urush toxtitishni telep qilghan bolup, isra'iliye we xamas terep qoshulghan idi.

Xewerde éytilishiche, isra'iliye terep xamasning urush toxtitishni ret qilghanliqi, isra'iliye terepke rakéta atqanliqi, shu sewebtin özlirining ghezze rayonigha hujum qilghanliqini chüshendurgen idi. Xamas b d t ning urush toxtitish telipini qobul qilish üchün isra'iliye armiyesining ghezze rayonidin chékinip chiqip kétishi we ahalilarning qaytishigha ruxset qilishini shert qilghan idi. Isra'iliye terep xamasning yéngidin 24 sa'et urush toxtitish heqqidiki bayanatigha téxi inkas qayturmighan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet