Хәлқара кәчүрүм тәшкилати хитайни «истихбарат қанун лайиһиси» ни бикар қилишқа чақирди

Мухбиримиз меһрибан
2017-06-06
Елхәт
Пикир
Share
Принт

Хәлқара кәчүрүм тәшкилати 5-июн күни тор бекитидә баянат елан қилип, хитайни хәлқ қурултийи мақуллиған «истихбарат қанун лайиһиси» ни бикар қилишқа чақирди.

Хәлқара кәчүрүм тәшкилатиниң баянатида хитай тәрипидин елан қилинған «истихбарат қанун лайиһиси» тәнқидлинип, «мәзкур қанун лайиһисидики маддилар иҗра қилинғанда пуқралар шәхси учурлири вә шәхси турмуш алақилири сәвәбликму дөләт бихәтәрликигә тәһдит елип кәлди дегәндәк мүҗмәл қалпақлар кийдүрүлүп бастурушқа вә зиянкәшликкә учриши мумкин, мана бу әһвал бизни әндишигә селиватиду» дейилгән.

Баянатта йәнә, «истихбарат қанун лайиһиси» дә оттуриға қоюлған қануний бәлгилимиләрниң мүҗмәллики тилға елинип, хитайда бу хил қануний бәлгилимиләрни назарәт қилиш системиси йоқлуқи тәкитләнгән, бу әһваллар хитай бихәтәрлик хадимлири вә сақчиларға пуқраларни халиғанчә тутқун қилиш, сорақ қилиштәк имтиязларни берип, пуқраларниң шәхсийитигә аит учурларниңму сақчиларниң назарәт даирисигә кирип кетидиғанлиқини агаһландурған.

Хитайниң бәйду торидин мәлум болушичә, «истихбарат қанун лайиһиси» 19-май күни хитай хәлқ қурултийида оттуриға қоюлған. Хитай таратқулирида униң мәқсити һәққидә тохтилип, мәзкур қанунниң хитай дөләт истихбарат орунлириниң дөләт бихәтәрликигә аит учурларни топлаш вә вәзипә иҗра қилиш җәрянидики хизмәт тәртиплири вә һоқуқиниң қануний капаләткә игә қилиниши үчүн түзүлгәнлики әскәртилгән.

Пикирләр (0)
Share
Толуқ бәт