Уйғур режиссор сәйпулла мутәллип ишлигән "қараңғу тағ" намлиқ һөҗҗәтлик филим америкида яхши инкас қозғиған

Мухбиримиз қутлан
2016-02-22
Share

Америкидики мәркизий асия тәтқиқатиға беғишланған илмий тор бәт - сино-түркика тори йеқинда уйғур режиссор сәйпулла мутәллип ишлигән "қараңғу тағ" намлиқ һөҗҗәтлик филим һәққидә мәхсус обзор елан қилған.

Обзорда һөҗҗәтлик филим "қараңғу тағ" ниң йеқинда нюйорктики коломбийә университетида оқуғучи,оқутқучиларға көрситилгәнлики вә яхши инкас пәйда қилғанлиқи илгири сүрүлгән. Нәқ мәйданда йәнә сәйпулла мутәллипниң режиссорлуқида ишләнгән йәнә бир һекайә филим көрситилгән. Мәзкур филим язғучи мәмтимин һошурниң "буға" намлиқ һекайиси асасида синарийәләштүрүлүп ишләнгән икән.

Мәлумки, қараңғу тағ хотәндин һиндистанниң кәшмир райониға өтүштики муһим бир йол еғизи. 19-Әсирниң иккинчи йеримидин 20-әсирниң оттурилириға қәдәр қараңғу тағ явропалиқ екиспедитсийәчиләрниң күчлүк диққитини қозғиған. Сәйпулла мутәллип режиссорлуқ қилған мәзкур һөҗҗәтлик филимда қараңғу тағниң бүгүнки реал көрүнүшлири чинлиқ билән йорутулған икән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт