Ши җинпиң хитай аяллирини бала туғушқа риғбәтләндүргән

Вашингтондин мухбиримиз җәвлан тәйярлиди
2023.10.31

Башқа милләтләрни ассимилятсийә қилиш сияситини күчәп йүргүзүватқан ши җинпиң, хитай нопусиниң җиддий азлап кетишидин әнсирәп, хитай аяллирини бала туғушқа үндигән.

“ройтерс агентлиқи” ниң 30-өктәбирдики хәвиридә ейтилишичә, хитай компартийә баш секретари ши җинпиң хитай нопусиниң қерилишиш вә туғуш нисбитиниң төвәнләп кетишидин әндишә қиливатқанлиқини билдүрүп, “аяллар чоқум һәл қилғуч рол ойнап, йеңи аилә муһити бәрпа қилиши керәк” дегән.

Ши җинпиң йәнә, хитай аяллар бирләшмисиниң бу җәһәттә актип рол ойниши керәкликини тәкитләп: “аяллар хизмитини яхши ишләш-аялларни тәрәққий қилдуруш җәһәттила әмәс, аилә вә җәмийәтниң инақлиқи, дөләтниң тәрәққияти вә хитайларниң гүллиниши билән мунасивәтлик муһим иштур” дегән.

Ши җинпиң хитай яшлириға той қилишни вә хитайниң аилә мәдәнийитигә варислиқ қилишни тәшәббус қилған. Һалбуки, хитайда бала беқиш тәннәрхи юқири, ишсизлиқ еғир, җинсий айримичилиқ вә той қилишни халимаслиқ хаһиши күчлүк болуп, хитай қизлири бала туғуштин қачидиған әһвал шәкилләнгән. Мәлуматларға қариғанда, хитайда туғулуш нисбити 60 йилдин буян әң төвән нуқтиға чүшкән, қерилишиш нисбити өрлигән.

Хитай һөкүмити 40 йил пиланлиқ туғут сиясити йолға қоюп, уйғур нопусини тизгинлигән, йеқинқи йилларда уйғур аяллирини мәҗбурий туғмас қилип, уйғур нопусида җиддий төвәнләш пәйда қилғаниди. Нөвәттә булар хитайниң башқа милләтни азлитип йоқ қилип, хитайларни көпәйтиштәк әшәддий милләтчиликиниң типик ипадиси, дәп қаралмақта.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.