Хитай америка мухбирлириға қарши виза чәклимиси йолға қойған

Мухбиримиз җүмә
2020-09-06
Share

Хитайниң америка мухбирлириға қариши йеңи виза чәклимиси йолға қойғанлиқи мәлум. С н н телевизийисиниң хәвәр қилишичә, хитай даирилири өткән һәптидин башлап америкиниң хитайда турушлуқ ахбарат органлирида ишләйдиған чәтәл пуқралириниң виза вә мухбирлиқ салаһийәт гуваһнамисини йеңилашни қейинлаштурулған.

Хәвәргә қариғанда, виза вә мухбирлиқ салаһийәт гуваһнамисини йеңилаш илтимаси сунған мухбирларниң бәзилиригә йеңи гуваһнамә тарқитип беришниң орниға «илтимасиңиз көрүватиду» дегән хәтләр йезилған бир парчә һөҗҗәт тапшурулған вә уларниң бу һөҗҗәтни паспорти билән елип йүрүш җекиләнгән. Бәзилириниң бир йиллиқ виза мөһлити 1 айға төвәнлитилгән.

Униңдин башқа хитай даирилири йәнә бу вақитлиқ виза вә вақитлиқ мухбирлиқ салаһийәт гуваһнамәләрниң һәр заман бикар қилиниш еһтимали барлиқиниму билдүргән.

Буларниң арисида с н н телевизийисидә ишләйдиған америка пуқраси давид кулбәр исимлик бир мухбирму бар икән. Бу нөвәт нишан қилинған мухбирлар арисида америка пуқралириму вә «вал стрет журнили» қатарлиқ нопузлуқ америка ахбарат органлири үчүн ишләйдиған чәтәл пуқралириму бар икән.

Бу йилниң бешида хитай даирилири йәнә «вашингтон почтиси», «вал стрет журнили» вә «нюйорк вақт гезити» қатар ахбарат органлириниң хитайда турушлуқ 9 нәпәр мунбирини хитайдин қоғлап чиқарған.

Буларниң арисида хитайниң уйғур районидики сақчи дөлити вә тәқиб систимеси һәққидә программа ишлигән җош чин қатарлиқларму бар иди.

Хитайниң бу қетимқи виза чәклимиси тоғрисида тохталған америка ташқи ишлар министирлиқиниң шәрқий асия вә тинч окян ишлириға мәсул ташқи ишлар министири ярдәмчиси давид стилвәлл, униң өч елиш характери барлиқини ейтқан.

У мундақ дегән: «бу йәрдә 150 дин артуқ хитай дипломати бар. Хитай тәшвиқат министирликигә ишләйдиған ахбарат хадимлири америкида һеч қандақ чәклимисиз һалда мәшғулат қилмақта. Һазир хитай пәқәт бир нәччила америка мухбирлири қалди.»

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.