Хитай һава армийиси талаш - тартиштики аралларға йеқин җайда һәрикәт қилди

Мухбиримиз үмидвар
2016-09-25
Share


Хитай һава армийиси йәкшәнбә күни 40 данә һәр хил типтики күрәшчи айропилан чиқирип, һава армийисиниң ғәрбий тинч окян районида җәң қилиш әмәлий иқтидарини синақ қилиш елип барди.

Б б с агентлиқиниң хәвәр қилишичә, хитай һава армийисиниң мәзкур айропиланлар топи хитай тилида гоңгу боғузи, хәлқарада мияко боғузи дәп атилидиған хәлқаралиқ районда паалийәт қилидикән. Мияко боғузи японийигә тәвә мияко араллири билән окинава араллири арисиға җайлашқан болуп, бу җай хитайға йеқин деңиз райони билән ғәрбий тинч окянни туташтуридиған муһим хәлқаралиқ деңиз йоли һесаблинидикән.

Хитай һава армийисиниң баянатчиси һава армийисиниң 25 - сентәбир күни бомбардиманчи вә һуҗумчи айропиланларни чиқирип, шәрқий деңиздики һава мудапиә пәрқ қилиш районида чарлаш елип бариду, дегән. У йәнә бу һәрикәтләрниң хитайниң игилик һоқуқини қоғдаш вә башқиларни мәқсәт қилидиғанлиқини билдүргән.

Хитай һава армийиси паалийәт елип барған бу район йәнә хитай билән японийә арисидики талаш - тартишта туриватқан сенкако арилиға 170 километир келидикән.

Мияко боғузи муһим һәрбий әһмийәткә игә җай болуп,8 - айда японийә даирилириниң 300 километир мусапилиқ башқурулидиған бомбиси ясап уни 20нәччә йил ичидә окинава вә мияко арилиға орунлаштуридиғанлиқиға аит учурлар оттуриға чиққан иди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт