Америка һөкүмити хитайниң төт ахбарат васитисини “чәтәл муәссәсиси” дәп бекитти

Мухбиримиз әзиз
2020.06.23

Америка һөкүмити 22-июн күни йәнә йеңидин хитайниң төт ахбарат васитисини “чәтәл муәссәсиси” дәп бекитидиғанлиқини елан қилип, уларниң мустәқил ахбарат васитиси әмәс, әксичә хитай компартийәсиниң биваситә башқурушидики органлар икәнликини билдүрди.

Америка симлиқ хәвәрләр тори (CNN)ниң 22-июндики хәвиридә ейтилишичә бу төт ахбарат васитиси “мәркизий телевизийә истансиси”, “хитай хәвәрлири”, “хәлқ гезити” вә “йәр шари вақти гезити” қатарлиқлар болуп буниңдин кейин улар өзлириниң хизмәтчи хадимлириниң тәпсилий әһвали һәмдә өзлириниң америкадики өй-мүлүк әһвалини америка һөкүмитигә қәрәллик мәлум қилип туруши лазим икән.

Америка ташқи ишлар министирлиқиниң шәрқий асия вә тинч окян ишлириға мәсул ярдәмчи министири дейвид стилвел бу һәқтә тохтилип: “бизниң һәрикитимиз учурларға болған контроллуқниң ашкара давам қилишини алға сүриду. Бу һал уларниң дөләт тәшвиқатиғила әмәс, хитайдики ахбарат саһәсигиму тәтбиқлаш мумкин” дегән.

“ню-йорк вақти” гезитиниң хәвиридә ейтилишичә, бу америка һөкүмитиниң иккинчи қетим хитай ахбарат васитилирини “чәтәл муәссәсиси” дәп бекитиши болуп, 2020-йили февралда америка һөкүмити шинхуа агентлиқи қатарлиқ бәш ахбарат васитисиниң характерини шундақ бекиткәникән.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.