Әнгилийә хитайниң чәт әлгә қаратқан тәшвиқат қанили CTGN ни чәклиди

Мухбиримиз әркин
2021-02-05
Share

Әнгилийә хитайниң чәт әлгә қаратқан тәшвиқат қанили болған "хитай йәр шари телевизийә тори" (CTGN) ниң рухсәтнамисини бикар қилип, униң әнгилийәдики тарқитишини тохтатқан. Бирләшмә агентлиқиниң хәвәр қилишичә, әнгилийәниң ахбарат назарәт қилиш апарати-офком (OFKOM) 4-январ CTGN ниң тәрәпсиз ахбаратчилиқ принсипиға хилаплиқ қилиши, униң хитай компартийәси билән болған алақиси сәвәблик униң әнгилийәдики тарқитиш рухситини бикар қилған.

CTGN Хәвәрлирини әнгилийәдә сүний һәмра арқилиқ һәқсиз тарқитип кәлгән. Бу қанал хәвәрлиридә хитай һөкүмитиниң тәшвиқатини қилип, униң уйғурларға ирқий қирғинчилиқ елип барғанлиқи, лагерларға қамиғанлиқи, җинсий хорлаш елип барғанлиқи, мәҗбурий әмгәккә салғанлиқи, хоңкоңдики демократтик һәрикәтләрни бастурғанлиқини бир тәрәплимилик инкар қилипла қалмай, уйғурларни терорлуққа бағлап кәлгән иди. Бирләшмә агентлиқиниң хәвәридә тәкитлишичә, әнгилийә ахбарат вә алақә назарәт аппарати кишилик һоқуқ тәшкилатлириниң шикайитигә асасән бу қанал үстидин тәкшүрүш елип барған.

Кишилик һоқуқ тәшкилатлири бу қаналниң игидарчилиқ һоқуқи, униң программилирида ахбаратчилиқниң адил вә тоғрилиқ принсиплириға хилаплиқ қилғанлиқини шикайәт қилған. Бирләшмә агентлиқиниң билдүрүшичә, офком 4-январ елан қилған баянатида, "әстайил ойлишиш арқилиқ барлиқ дәлилләрни, мухбир вә аңлиғучиларниң пикир әркинликини көздә тутуп, CTGN ниң рухсәтнамисини әткәс қилишни мувапиқ кордуқ," дейилгән. Бирләшмә агентлиқиниң билдүрүшичә, бу қарар хитайниң бу тәшвиқат қанили үчүн қаттиқ зәрбә икән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт